Hîn be wekî di Qulixkirinêda Hê Cêribandî bî; Şedetîkirin li Ciyêd ku Domofon Hene
Ev Yek Çira Ferz e: Dibeke li hine ciya kîderê ku emê dannasîn bikin, domofon hebin. Şedetîkirin li ciyêd ku domofon hene, dikare tirs bike ser me. Lê ça em dikarin tirsa xwe bidine alîkî, ya ku dikare xîreta me di qulixkirinêda bitemirîne? Bîra xweda xwey ke, wekî şedetîkirin li ciyêd ku domofon hene, mecaleke baş dide ku mizgîniya xêrê bigihînine dilê meriya (Rom. 10:14). Qewimandin didine kifşê, wekî şedetîkirina bi xîret, vî cûreyî tê kirinê. (Binihêre kitêba “Hersalî” sala 2011, rûpêlêd 65-66, û kitêba “Hersalî” sala 2000, rûpêla 54, abz. 3 (ru).) Dîna xwe bide şîretêd jêrê kifşkirî.
Çawa Bikin:
• Pêşanîna kin hazir ke, û xwera binivîse ku bikaribî pêra-pêra xweyê malêra ber domofonê bixûnî. Ev yek dikare te bişidîne. Pêşiyê nêta hatina xwe şiroveke. Navê xweyê malê bide xebatê, hergê nav li ser domofonê nivîsar e. Xilaziyê, xweyê malêra bêje ku dixwazî wîra bidî belavok yan jûrnalê (yan dikarî ber derê xweyê malê bihêlî), kîderê ku hê zêde elametî wê hebe.
• Nihêrandina pozîtîv xwey ke. Hergê tu tevî xweyê malê rû bi rû xeber didî, bira beşera te xweş be û jêsta jî bide xebatê
• Serbest be û xwe ker neke. Xeberdana te bira femdarî û merîfet be. Paûzêd nelazim neke, û leze-lez xeber nede.
• Serwaxt be. Di avayêd mezinda dikarin gelek domofon hebin. Tu dikarî safî kî çiqas meriyara zengilê xî û bi domofonê xeber dî. Usa jî xwera kifş ke, wekî te kêra zengilê xist. Hergê em gelek wede li wir sekinîne, seva ku temamara zengilê xin, hingê xweyêd malê dikarin bikevine bin şikê, hela em çima haqas wext li wir in.
Evê Yekê vê Mehêda Bide Xebatê:
• Wedê qulixkirina tevî malbetê, evê yekê bi temaşê nîşan ke. Merivêd ku wê temaşêda kar dikin, gerekê usa rûnên wekî hev nenihêrin ku tê bêjî bi domofonê hevra xeber didin.