Hîn be wekî di Qulixkirinêda Hê Cêribandî bî; Şagirta Hîn ke, ku Rind Xwe seva Hînbûnê Hazir kin

Ev Yek Çira Ferz e: Seva ku şagirt ruhanîda qewî be, ew gerekê hiş-aqil û dilê xwe tije ke bi gelek hînkirinên sereke ji Xebera Xwedê (Îbrn. 5:12-6:1). Seva hînbûnê lazim e qewatê bidine xebatê. Ev tê hesabê ku ew înformasiyona teze ku em pêdihesin, gerekê yên dinênara gilî kin û qîmeta wê bizanibin (Metlk. 2:1-6). Çaxê şagirt hîn dibe xwexa lêkolînê bike, ev yek alî wî dike ku li ser hîmê edebyetên me, cabên xwe bide. Xêncî wê yekê çaxê ew dixebite ku bide xebatê ew tiştên ku hîn dibe, bi wê yekê ew dikare cêribandinada qewî bisekine (Lûqa 6:47, 48).

Çawa Bikin:

Dîna xwe bide wê yekê, ku çiqas ferz e pêşiya hînbûnê Yahowara dua bikin seva alîkariyê (Yûhn. 14:26; 1 Korn. 2:10).
Serê-sêrîda şagirtê xwe hêlan ke, ku seva hînbûnê xwe pêşda hazir ke. Edebyeta xweye hînbûnê wîra nîşan ke, û lê hîn ke ku cimlên sereke û xebera bi qelemê kifş ke.
Bira şagirtê te bi giliyê xwe cabên pirsa bide. Ji wê yekê xwe dûr bigire, ku hînbûna we ziha û tenê bi pirs û caba derbaz nebe û wekî şagirt tenê ji kitêbê caba pirsa nexûne.
Şagirtê xwe hêlan ke her roj bi parên biçûk Xebera Xwedê bixûne. Li ser jw.org, bernama xwendina Kitêba Pîroz wîra nîşan ke, çi ku di vê yekêda wê alî wî bike. Lazim e qewatê bidine xebatê, seva ku xwera bikine xeyset her roj Kitêba Pîroz bixûnin. Lê ev yek hêjayî ye ku tu usa bikî (Zeb. 1:2, 3).
Şagirtê xwera nîşan ke, ku çawa ew dikare bivîne caba pirsên Kitêba Pîroz bi alîkarya “Kitêbxaneya Birca Qerewiliyê” yan “KITÊBXANEYA ONLAYN ya Birca Qerewiliyê”. Alî wî bike ku ew bikaribe têderxe ewan nîşana, bi saya çi jî em dikarin têderxin ew kîjan edebyet e.

Ewê Yekê vê Mehêda Bide Xebatê:

Kutasiya serî yan binseriyê, bêje şagirt ku bi giliyê xwe kin bêje ew fikirên ferz, çi ku ew wedê hînbûnê pêhesiya. Hergê şagirtê te tune, hingê tu dikarî xwexa wedê xwendina Kitêba Pîroz yan “Birca Qerewiliyê”, xwera biwekilînî fikirên ferz, seva ku feresetên xweye femkirinê hê baş kî.