Pirtûka “Çi Hîn Dike Kitêba Pîroz?”, Rind Bidine Xebatê

Çaxê şagirt pêdihese ku Kitêba Pîroz çi hîn dike, û paşê li jîyîna xweda evê zanebûnê dide xebatê, bi wê yekê ew ruhanîda mezin dibe û berêd baş jî tîne (Zeb. 1:1-3). Em dikarin alî şagirtê xwe bikin ku ew pêşda here, hergê rind evê kitêbê bidine xebatê.

Pirsên Pêşxeberê: Her serîk bi pirsa destpêdibe, caba kîjana ku wan seriyada tê dayînê. Tu dikarî pirsên rêtorîk daynî, seva ku hewasa şagirt mezin kî hindava têmayê ku hûnê şêwir kin. Yan jî tu dikarî wîra bêjî ku ew kin caba van pirsa bide. Hergê şagirt rast caba xwe nade, nelazim e wîya rast kin. Cabên wî wê alî te bikin têderxî, hela li ser çi tu hê zêde gerekê dîna xwe bidî (Metlk. 16:23; 18:13).

Elametiya Zêde: Hergê şagirt fem dike û qebûl dike têmayê ku hûn şêwir dikin, tu dikarî wî hêlan kî, ku paşê xwexa bixûne elametiya zêde jî, ya ku dikeve vê seriyê. Lê careke din tu dikarî nava çend deqada hinekî biwekilînî, seva ku îzbat bî wekî şagirt têmê fem dike. Xêncî wê yekê hergê seva şagirt kêrhatî be, tu gerekê wedê hînkirinê şêwir kî fikirên ji elametiya zêde, yan hine parên ji wê elametiyê wîra bixûne. Usa jî tu dikarî wan pirsa bidî wî, çi ku te pêşda hazir kiriye.

Çargoşe bona Wekilandinê: Kutasiya her serîkî heye çargoşe, kîderê ku tê dayînê caba pirsên ku destpêka seriyêda heye. Tu dikarî evan tişta bidî xebatê, seva ku îzbat bî wekî şagirtê te fem dike û dikare şiroveke fikirên sereke. Ewan cabên ji çargoşê bi dengê bilind tevayî bixûnin, usa jî ew rêzên ku li ber wan caba têne dayînê. Paşê şagirtê xwera bêje ku caba xweda bide xebatê rêzekê yan çend rêza, seva ku şiroveke hela çima ew bawer dike ku ev yek rast e (Kar. Şand. 17:2, 3).