Berdewam Dikin Jûrnala Didine Xebatê

Destpêbûyî ji sala 2018, jûrnalên meda yên bona belakirinê, tenê têmek tê şêwirkirinê. Ev hemû jûrnal dikevine nava hacetên meyî bona hînbûnê. Lema jî em dikarin wana xizmetêda bidine xebatê. Gava em cîkîda diçin, mesele dikanê, dikarin çend jûrnala xwera bivin. Hemikî wan jûrnala em nadine xebatê ku tevî meriya hînbûna Kitêba Pîroz derbaz kin, lê ev alî meriya dikin ku hewasa wan pêşda bê, seva hê zêde derheqa Xwedê pêbihesin.

Çaxê tu kesekîra xeberdanê destpêkî, dikarî wîra rêzekê bixûnî û dîna wî bidî ser jûrnaleke ku wê wîra hewas be. Besa xeberê, hergê zarên wî hene, yan ewî merivekî xwe unda kiriye, yan jî dilteng e, dikarî bêjî: “Wan paşwextiya min gotareke derheqa vê têmayê xwend. Hûn dixwazin nîşanî we kim?” Hergê wîra hewas be, dikarî hela hê wedê serlêdana pêşin jî jûrnalê bihêlî yan jî kopiya elektronîk bişînî. Hemikî nêta meye sereke belakirina jûrnala nîne, lê ev yek alî me dike, wekî bivînin wan meriya, yên ku hazir in bijîn li gora vê yekê çi ku ji Kitêba Pîroz pêdihesin (Kr.Şn. 13:48).

2018

2019

2020