MÎNA ÎSA BIJÎN

Alî Merivên Nebawermend Bikin ku Efirandarê Xwe Nas Bikin

Qe bal te usa qewimî ye, ku te xwe paş xistiye ji wê yekê, wekî merivê nebawermendra şedetiyê bidî, çimkî fikirî yî ku ewê guh nede te? Hergê erê, bîr neke ku gelek merivên usa, hela hê atêîst jî, bûne Şedên Yehowa. Gelek car usa qewimî ye, ku tenê hine îzbatkirin lazim bûn, wekî ewana bawer kin ku Xwedê heye (Rm. 1:20; 10:14).

BINIHÊRIN VÎDÊO DUDILÎ NEBIN, KU MERIVÊN NEBAWER JÎ DIKARIN BAWERIYÊ PÊŞDA BÎNIN!—MERIVÊN NEBAWER, Û PAŞÊ CABA VÊ PIRSÊ BIDIN:

Mesela Tommaso ça te hêlan kir, wekî xwe paş nexî ku şedetiyê bidî merivên nebawermend?

Caba te

Ça vê yekê bikin

Hergê meriv dibêje ku ew Xwedê bawer nake, hindava wîda merîfet be, bi taktîkî caba wî bide, û bide kifşê ku tu qedirê nihêrandina wî digirî (2 Tîm. 2:24). Derheqa wan têma tevî wî xeber de, kîjan ku dibeke wîra hewas be. Têderxe hela ew hazir e derheqa wan îzbatkirina xeber de, kîjan ku alî gelek meriva kiriye baweriya xwe Xwedê bînin. Hergê erê, wan edebyeta û vîdêoya bide xebatê, kîjan ku bona vê nêtê hatine derxistinê. Mesele, Hacetên Serekeda bona Hînkirinê, hene broşûrên bi navê Gelo Jîyîn Hatiye Efirandin?, û Kaniya Emir; Pênc Pirsên Ferz.

Sêrîda dibeke tu xwe paş dixî, wekî şedetiyê bidî merivê ku Xwedê bawer nake. Hergê usa ne, wê baş be wekî tu ji mizgînvanekî cêribandî alîkariyê bixwazî. Bîr neke, ku Yehowa dikare alî te bike rastiyê bigihînî dilê wan meriva, yên ku hazir in rastiyê qebûl kin, hela hê hergê sêrîda wana baweriya xwe Xwedê nedianî (Kr.Şn. 13:48).