Wedê Lêkolînê Tiştên Teze Hîn be

Bi saya lêkolîna şexsî, em mecalê didine Yehowa ku me hîn ke. Gava tu lêkolînê dikî, tu çi dikarî bikî wekî tiştên teze hîn bî?

Ji Yehowa bîlaniyê bixwaze. Duada ji Yehowa alîkariyê bixwaze, wekî tu têderxî ku niha tu gerekê çi hîn bî (Aqûb 1:5). Nefikire wekî tiştên ku tu îda zanî, bes e (Metelok 3:5, 6).

Îzinê bide wekî Kitêba Pîroz ser te hukum ke. “Xebera Xwedê sax û zor e” (Îbranî 4:12). Her car ku em Kitêba Pîroz dixûnin, giliyên Xwedê dikarin bi cûrê mexsûs ser me hukum kin. Lê bona vê yekê em gerekê hazir bin tiştên teze hîn bin.

Bona her tiştên ku Yehowa pêşkêşî te dike, şêkirdar be. Xwarina ruhanî ku Yehowa dide me, mîna xwarina fîzîkiye rûnî û xweş e (Îşaya 25:6). Xîret bike ku van gotara jî lêkolîn kî, yên ku tera hewas nayêne kifşê. Bawer be wekî her tiştên ku Yehowa dide me, him kêrhatî ne, him jî hewas in.