Kul-Derdên ji bo Şer û Tevlihevbûna
Şer derdekî giran tîne wan merivara, yên ku rastî vê tên. Eskera û bineliya nav temamiya dinyayêda ser xwe texmîn kirine, wekî şer kul-derdên çiqas mezin tîne.
ESKER
“Tu timê divînî ku der-dorê te meriv ça têne kuştinê, yan jî dibine nivîşkan, lema jî timê xwe bin xofêda û nerihet texmîn dikî”—Garî, Brîtanya.
“Ez ketibûme ber gula, pişta min û serçevê min birîndar bibûn, min didît ku gelek meriv ça hatibûne kuştinê, û nav wanda zar usa jî yên mezin hebûn. Şer meriva dike dilkevir”—Wîlmar, Kolombya.
“Çaxê kesek ber çevê te tê kuştinê, tu nikarî vê yekê ji hişê xwe derxî. Nale-nal û qara-qara wî merivî ji guhê te dernayê. Û tu qe nikarî wî bîr kî”—Zafîra, Dewletên Yekbûyî.
BINELÎ
“Ez difikirîm ku ezê îda tu cara bextewar nîbim. Tu bona emirê xwe ber xwe dikevî, lê diha zêde bona emirê nefer û hevalên xwe ditirsî”—Olêksandra, Ûkraîna.
“Tirseke mezin dikete dilê me, çimkî em gerekê bona xwarinê siriyêda bisekiniyana ji şev siheta duda heta şebeqê siheta yanzdeha, û me nizanibû emê sax bimînin yan na”—Dêlêr, Tacîkistan.
“Ji bo şer min dê-bavê xwe unda kir. Ez êtîm mam û kesek îda tune bû, wekî ber dilê minda bê û bona min xem bike”—Marî, Rwanda.
Rast e wan hemû meriva kul-derd dîtine, lê dîsa jî wana berdilî dît. Xêncî vê yekê, ewana bawer in, ku hemû şer-dew û zulmî wê zûtirekê bêne hildanê. Vê jûrnala Birca Qerewiliyêda ser hîmê Kitêba Pîroz wê bê şirovekirinê, ku ça ev yek wê bê sêrî.