Guman bona Sala 2024—Kitêba Pîroz Çi Dibêje?

Gelek meriv difikirin ku çare bona problêmên sala 2024 tune. Yeke guman heye, ku her tişt wê baş be. Lê gelo ça evê gumanê bivînin?

Kitêba Pîroz gumanê dide

Kitêba Pîroz soz dide, wekî Xwedê wê çetinayên meye îro safî ke, yên ku emirê me giran dikin. Zûtirekê, Xwedê wê “ji çevên [me] hemû hêsirên [me] paqij ke û îdî mirinê tunebe, ne şîn, ne girî, ne êş-êşûk, çimkî tiştên berê derbaz bûn” (Eyantî 21:4).

Seva ku hê zêde pêbihesin derheqa sozên Kitêba Pîroz bona axiriyê, bixûnin gotar “Hêviya Baş bona Roja Sibê”.

Ça îda îro Kitêba Pîroz dikare alî we bike

Kitêba Pîroz gumana bona axiriyê dide we, ku dikare alî we bike nihêrandina pozîtîv xwey kin (Romayî 15:13). Usa jî, Kitêba Pîroz dikare şîreta bide we, yên ku wê alî we bikin çetinayên îroyîn safî kin, mesele ça kesîbbûn, neheqî, û nexweşî.

Pêbihesin ku çawa gumana ji Kitêba Pîroz alî merivekî kir, wekî nava kesîbiyêda dilrihetiyê bistîne û bextewar be. Binihêrin vîdêo Xûan Pablo Zêrmêno: Yehowa Nêta Jîyînê Da Min.
Usa jî pêbihesin ku çawa Kitêba Pîroz dikare alî we bike, gava hûn xwe sûcdar dikin, dilteng in, xemgîn in, yan merivekî xweyî nêzîk unda kirine. Bixûnin gotar “Ez Dikarim ji Kitêba Pîroz Berdiliyê Bistînim?”
Pêbihesin derheqa kulfetekê, ya ku eskeriyêda qulix dikir û xwe hesab dikir ça yeke dilkevir û bêtalaş, û çawa ew bi saya Kitêb Pîroz guman dît. Binihêrin vîdêo Min Tivinga Xwe Avît.

Xîret bikin wekî sala 2024 bona we û malbeta we saleke baş be. Pêbihesin ku çawa Kitêba Pîroz dikare vê yekêda alî we bike. Bicêribînin kûrsa Kitêba Pîroz tevî kesê ku dikare alî we bike. Usa jî pêbihesin ku çawa Xwedê dikare dilrihetiyê bide we, ça niha usa jî bona axiriyê (Yêremya 29:11).