Dê-bavno, Alî Zarên Xwe Bikin Serfiraz bin

Dê-bavên xudêxof hizret in, ku zarên wan bibine xizmetkarên Yehowayî amin. Dê-bav dikarin wê yekêda alî wan bikin, hergê ji destpêkê hînkirinên Kitêba Pîroz digihînin dilê zarên xwe (Qn.Dc. 6:7; Mtl. 22:6). Gelo xwequrbankirin dikeve wê yekê? Hemikî! Lê kara ku ji wê yekê hûnê bistînin, hêjayî qewata we ye (3 Yn. 4).

Dê-bav dikarin gelek tişt hîn bin ji Ûsif û Meryemê. Ewana her sal ser “Cejina Derbazbûnêda diçûne Orşelîmê”. Bona wê yekê ewana gelek wedê û perên xwe qurban dikirin (Lq. 2:41). Eşkere ye, bona Ûsif û Meryemê gelek ferz bû ku malbeta wan nêzîkî Yehowa be. Anegorî wê yekê îro jî dê-bav dikarin rêberya rast bidine zarên xwe dêmek her mecalekî bidine xebatê ku bi xeber û meselê xwe zarên xwe hîn kin (Zb. 127:3-5).

BINIHÊRE VÎDÊO “WANA HER MECALEK DA XEBATÊ” Û PAŞÊ CABA WAN PIRSA BIDE:

• Çawa Con û Şêron jîyîna xweda tiştên ruhanî ser ciyê pêşin datanîn, gava zarên xwe mezin dikirin?

• Çima dê-bav gerekê cûre-cûre mêtod seva her zarekî xwe bidine xebatê, ku wana hîn kin û şîret kin?

• Çawa dê-bav dikarin zarên xwe hazir kin, wekî ewana cêribandinên baweriyêda, xwe qewî bigirin?

• Kîjan hacetên teşkîletê ku Yehowa dide, we da xebatê ku zarên we ruhanîda pêşda herin?