DERSA 17
Bi Rastî Îsa Yekî Çawa ne?
Çaxê em derheqa gotin û kirên Îsa pêdihesin, em xeyset-hunurên wîyî usa divînin, kîjan ku me hêlan dikin diha nêzîkî wî û Bavê wî Yehowa bin. Gelo ev çi hunur in? Û çawa em dikarin jîyîna xweda çev bidine Îsa?
1. Çida Îsa mîna Bavê xwe ye?
Îsa li ezmên bi mîlyarda sala dîna xwe dida Bavê xweyî hizkirî û ji wî hîn dibû. Lema jî fikir, hest û kirên wî mîna yê Bavê wî ne (Bixûne Yûhenna 5:19.) Îsa usa rind çev dide hunurên Bavê xwe, wekî got: “Yê ku ez dîtime, Bav dîtiye” (Yûhenna 14:9). Tu çiqas hê zêde derheqa Îsa pêbihesî, haqas tê hê rind Yehowa nas bikî. Mesele, dilremiya Îsa hindava merivada dide kifşê, wekî Yehowa bona te çiqas xem dike.
2. Îsa ça da kifşê wekî ew Yehowa hiz dike?
Îsa got: “Lê bira dinya bizanibe wekî ez Bavê hiz dikim û Bavê çawa temî li min kiriye ez usa dikim” (Yûhenna 14:31). Çaxê Îsa ser erdê bû ewî hizkirina mezin hindava Bavê xwe bi wê yekê dida kifşê, wekî hela hê nava çetinayada jî gura wî dikir. Ewî usa jî hiz dikir derheqa Bavê xwe xeber de, û alî meriya bike, wekî bibine dostên Xwedê (Yûhenna 14:23).
3. Îsa ça da kifşê wekî ew meriya hiz dike?
Kitêba Pîrozda Îsa derheqa meriya usa dibêje: “Eşqa min ewledên însên” e (Metelok 8:31). Hizkirina wî wê yekêda hate kifşê, ku ew ber dilê merivada dihat û bi dil alî wan dikir. Ewî usa jî keremet dikirin, kîjan ku ne tenê qewata wî eyan dikirin, lê usa jî dilremiya wî (Marqos 1:40-42). Ew hindava merivada qenc bû û firqî nedikire orta wan. Gilî û kirên wî berdilî û hêvî didane merivên dilsax, yên ku guh didane wî. Îsa ji hizkirina xweye hindava însanetê, hazir bû biçerçire û hela hê emirê xwe jî bona wan bide. Ew îlahî wan meriya hiz dike, kîjan ku hînkirinên wî pêk tînin (Bixûne Yûhenna 15:13, 14.)
KÛR LÊKOLÎN KE
Hê zêde derheqa Îsa pêbihese. Û şêwir ke, ku çawa mîna Îsa tu dikarî hizkirin û merdaniya xwe bidî kifşê.
4. Îsa Bavê xwe hiz dike
Îsa mera mesele ye, ku çawa em dikarin hizkirina xwe hindava Xwedê bidine kifşê. Bixûne Lûqa 6:12 û Yûhenna 15:10; 17:26. Paşî xwendina van rêza, evê pirsê şêwir ke:
Çawa em dikarin çev bidine Îsa û nîşan kin, wekî em Yehowa hiz dikin?
Îsa Bavê xweyî ezmana hiz dikir, û timê bi dua tevî wî xeber dida
5. Îsa bona meriya xem dike
Îsa hê zêde bona meriya xem dikir, ne ku bona xwe. Ewî wede û qewata xwe xerc dikir, wekî alî meriya bike hela hê hingê jî gava westiyayî bû. Bixûne Marqos 6:30-44, û paşê caba van pirsa bide:
6. Îsa yekî merd e
Rast e Îsa dewletî nîbû, lê merd bû, û ew me hêlan dike, em jî merd bin. Bixûne Karên Şandiya 20:35, û paşê evê pirsê şêwir ke:
Em ça dikarin mîna Îsa bextewar bin?
Vêxe VÎDÊO, û paşê evê pirsê şêwir ke:
Hergê destteng bin jî, em çawa dikarin merd bin?
We zanibû?
Kitêba Pîroz me hîn dike, wekî em bi navê Îsa Yehowara dua bikin (Bixûne Yûhenna 16:23, 24.) Çaxê em vî cûreyî dua dikin, em didine kifşê wekî ji Îsa razî ne bona wan tişta, çi ku ewî bona me kir, wekî em bibine dostên Yehowa.
HINE MERIV DIBÊJIN: “Xwedê bona me xem nake.”
Kirên Îsa ça îzbat dikin, ku Yehowa bona me xem dike?
TEMAMKIRIN
Îsa Yehowa hiz dike û ew usa jî meriya hiz dike. Ew çev dide Bavê xwe, lema jî tu çiqas hê zêde derheqa wî pêbihesî, haqas tê hê rind Yehowa nas bikî.
Wekilandin
Em ça mîna Îsa dikarin hizkirina xwe hindava Yehowa bidine kifşê?
Em ça mîna Îsa dikarin hizkirina xwe hindava meriya bidine kifşê?
Kîjan hunurê Îsa heçî zef te xweş tê?
HÊ ZÊDE PÊBIHESE
Dîna xwe bide hine hunurên Îsa, seva ku çev bidî wî.
“Seva ku Çev Bidine Îsa . . .” (“Îsa Rê, Rastî û Jîyîn e”, rûpêla 317)
Pêbihese ku çima em gerekê bi navê Îsa dua bikin.
“Çira Gerekê bi Navê Îsa Dua Bikin?” (“Birca Qerewiliyê”, 1 Sibatê, 2008)
Gelo Kitêba Pîroz tiştekî dibêje, ku Îsa rûva yekî çawa bû?
Em çi hîn dibin ji wê yekê, ku Îsa hindava kulfetada ça bû?
“Qedirgirtin Hizkirina Xwedê Eyan Dike” (“Birca Qerewiliyê”, 1 Îlonê, 2012)