Gelek meriv şerm dikin derheqa sêksê xeber din. Lê Kitêba Pîroz eşkere û bi merîfetî besa vê yekê dike. Kitêba Pîroz çi ku dibêje, temam bona kara me ye. Ev tiştekî logîkî ye, çimkî Yehowa Efirandarê me ye û zane çi bona me here baş e. Ew mera eyan dike, wekî çawa kirên me dikarin dilê wî şa kin û çi wê alî me bike, ku em heta-hetayê jîyînêra şa bin.

1. Nihêrandina Yehowa ser sêksê çi cûreyî ye?

Sêks pêşkêşa ji Yehowa ye. Yehowa dixwaze, wekî mêr û jinên ku bi qanûnî hev standine, ji vê heleqetiyê şabûnê bistînin. Ev pêşkêş mecalê dide mêr û jin, wekî ne ku tenê zar wanara bibin, lê usa jî ku bi cûrê tebiyetî hizkirinê hindava hevda bidine kifşê. Xebera Xwedê usa dibêje: “Şa be tevî jina xweye cahiltiyê (DT)” (Metelok 5:18, 19). Yehowa ji Mesîhiyên zewicî dewa dike, wekî ewana hindava jin yan mêrê xweda amin bin û tu car bênamûsiyê nekin (Bixûne Îbranî 13:4.)

2. Çi ye bênamûsî?

Kitêba Pîroz dibêje, wekî yên “bênamûs . . . Padşatiya Xwedê wê war” nebin (1 Korintî 6:9, 10). Nivîskarên Kitêba Pîroz, yên ku ser zimanê Yûnanî derheqa heleqetiya sêksûalî dinivîsîn, xebera “pornêya” didane xebatê. Ev xeber tê hesabê (1) heleqetiya sêksûala orta du meriva, yên ku bi qanûnî hev nestandine, (2) homosêksûalî, û (3) herimandin tevî heywana. Çaxê em “ji qaviyê” direvin, usa em him dilê Yehowa şa dikin, him jî ziyanê nadine xwe (1 Têsalonîkî 4:3).

KÛR LÊKOLÎN KE

3. Ji bênamûsiyê bireve

Ûsiv merivekî amin bû û xwe ji bênamûsiyê xwey dikir. Bixûne Destpêbûn 39:1-12, û paşê van pirsa şêwir ke:

• Çi Ûsiv hêlan kir, ku ji bênamûsiyê bireve? (Binihêre rêza 9)

• Bi texmîna te safîkirina Ûsiv rast bû? Çima tu usa difikirî?

VÎDÊO: “Ji Bênamûsiyê Birevin” (5:06)

Yehowa dixwaze, wekî her kes ji me ji bênamûsiyê bireve. Bixûne 1 Korintî 6:18, û paşê caba van pirsa bide:

• Kîjan derece dikarin hineka bivin berbi bênamûsiyê?

• Tu çawa dikarî ji bênamûsiyê birevî?

4. Tu dikarî xwe ji bênamûsiyê dûr bigirî

VÎDÊO: “Xwendina Kitêba Pîroz wê Alî Te Bike, ku Cêribandinada Qewî Bisekinî” (3:02)

• Birakî çi kir çaxê têderxist, wekî ji bo fikir û kirên xwe ew dikare jina xwera neamin be?

Carna Mesîhiyên amin jî miqabilî fikirên bênamûs şer dikin. Tu çawa dikarî fikirên bênamûsî ji hişê xwe derxî? Bixûne Fîlîpî 4:8, û paşê van pirsa şêwir ke:

• Em gerekê hiş-aqilê xwe bidine ser çi?

• Xwendina Kitêba Pîroz û xizmetkirin Yehowara, ça dikare alî me bike, wekî em guna nekin?

5. Normên Yehowa mera karê tînin

VÎDÊO: “Serwaxt bin” (9:31)

• Xortekî çawa xwe kire xetayê? (Binihêre Metelok 7:8, 9.)

• Li gora Metelok 7:23, 26, bênamûsî dikare axiriya xirab pey xwe bîne. Hergê em nav-namûs bimînin, emê xwe ji çi problêma xweyî kin?

• Çawa nav-namûsî dikare alî me bike, ku heta-hetayê jîyînêra şa bin?

Hine meriv difikirin, wekî nihêrandina Kitêba Pîroz ser homosêksûaliyê sert e. Lê Yehowa Xwedayê hizkirinê ye, û ew dixwaze wekî her kes ji jîyîna heta-hetayê şabûnê bistîne. Seva ku em layîqî jîyîna heta-hetayê bin, em gerekê li gora normên Xwedê bijîn. Bixûne 1 Korintî 6:9-11, û paşê evê pirsê şêwir ke:

• Li gora nihêrandina Xwedê tenê homosêksûalî nerast e?

Seva ku Xwedê ji me razî be, her kes ji me gerekê emirê xweda guhastina bike. Gelo hêja ye bona wê yekê qewatê bidine xebatê? Bixûne Zebûr 19:8, 11, û paşê van pirsa şêwir ke:

• Ça tu difikirî normên Yehowa derheqa nav-namûsiyê bi bîlanî ne? Çira tu usa difikirî?

TEMAMKIRIN

Yehowa heleqetiya sêksûalî ça pêşkêş da jin-mêra, wekî ji vê yekê şabûnê bistînin.

Wekilandin

• Çi dikeve nava bênamûsiyê?

• Çi wê alî me bike, ku xwe ji bênamûsiyê dûr bigirin?

• Çaxê em xwe normên Yehowaye derheqa nav-namûsiyê digirin, em çi karê distînin?

HÊ ZÊDE PÊBIHESE

Pêbihese çima bona Xwedê ferz e wekî jin-mêr bi qanûnî zewacêda bin.

“Kitêba Pîroz Çi Dibêje Derheqa Jîyîna Tevaye bê Zewac?” (Gotara ji malperê)

Rast e Kitêba Pîroz homosêksûaliyê qedexe dike, lê pêbihese ku çira em gerekê merivên homosêksûal nefret nekin.

“Gelo Homosêksûalî Tiştekî Normal e?” (Gotara ji malperê)

Pêbihese, çawa qanûnên Xwedê derheqa bênamûsiyê me diparêzin.

“Gelo Sêksa Oralî bi Rastî Sêks e?” (Gotara ji malperê)

Ji vê serhatiyê “Ewana Hindava Minda bi Qedir Bûn” tuyê pêbihesî çi alî merivekî homosêksûal kir, wekî emirê xwe biguhêze, seva Xwedê xweş bê.

“Kitêba Pîroz Jîyîna Meriva Diguhêze” (“Birca Qerewiliyê”, 1 Nîsanê, 2011)

Hine kûltûrada nihêrandina meriva usa ne, ku heta nezewicî, nikarî bextewar bî. Hemikî ne hemû merivên zewicî bextewar in, ne jî hemûyên ku azep in. Lê bi rastî Kitêba Pîroz him zewacê, him jî azepiyê ça pêşkêş hesab dike.

1. Kîjan hine tiştada azepî kar e?

Kitêba Pîroz dibêje, wekî ewê ku dizewice, “qenc dike”, lê yê ku nazewice “hê qenc dike” (Bixûne 1 Korintî 7:32, 33, 38.) Gelo, çi tê hesabê ku yê azep “qenc dike”? Mesîhiyên azepra nelazim e, wekî bona hewcên mêr yan jina xwe xem bikin. Vê derecêda azaya wan zef e. Hinek ji wan dikarin xizmetêda hê zêde pêşda herin, û emirê wana hê hewas be. Mesele, ewana dikarin derbazî welatên din bin, seva ku mizgîniya xêrê bela kin. Xêncî wê yekê, ewana dikarin hê zêde wedê xwe xerc kin, wekî diha nêzîkî Yehowa bin.

2. Zewaca bi qanûnî çida kar e?

Ça zewac usa jî azepî kareke mexsûs tînin. Kitêba Pîroz dibêje, wekî “du kes ji kesekî qenctir e” (Waîz 4:9). Ev rêz îlahî bona wan Mesîhiya ye, yên ku prînsîpên Kitêba Pîroz zewaca xweda didine xebatê. Dergîstiyên ku safî dikin wekî bi qanûnî hev bistînin, soz didin, ku wê timê hevdu hiz bikin, qedirê hev bizanibin û hev qîmet kin. Lema jî ewana xwe diha bêxof texmîn dikin, ne ku yên bê qanûnî tevayî dijîn. Û him jî zewaca bi qanûnî hîmekî baş e bona xweykirin û mezinkirina zara.

3. Nihêrandina Yehowa ser zewacê çi cûreyî ye?

Çaxê Yehowa zewaca pêşin saz kir, ewî got: “Mêrê dê û bavê xwe bihêle, xwe li jina xwe bigire” (Destpêbûn 2:24). Yehowa dixwaze, wekî mêr û jin hev hiz bikin û heta sax in, hev neqetin. Ew tenê hingê dihêle ku mêr û jin hev biqetin, hergê kesek ji wan bênamûsiyê bike. Dereca usada Yehowa îzinê dide jin yan mêrê neneheq, ku xwexa safî ke lê biqete yan naa (Metta 19:9). Yehowa pirejiniyê qedexe dike (1 Tîmotêyo 3:2).

KÛR LÊKOLÎN KE

4. Pêşkêşa xweye azepiyê bi bîlanî bide xebatê

Îsa azepî ça pêşkêş hesab dikir (Metta 19:11, 12). Bixûne Metta 4:23, û paşê evê pirsê şêwir ke:

• Îsa pêşkêşa xweye azepiyê ça dida xebatê, wekî Bavê xwera xizmet ke û alî meriva bike?

Mesîhî mîna Îsa dikarin azepiya xweda şabûnê bivînin. Vêxe VÎDÊO, û paşê evê pirsê şêwir ke:

VÎDÊO: “Azepên Amin” (3:11)

• Bi kîjan cûrên baş Mesîhî dikarin azepiya xwe bidine xebatê?

We zanibû?

Kitêba Pîroz konkrêt nabêje, ku meriv gerekê çend salî be, seva ku bikeve zewacê. Lê hêlan dike, wekî meriv gerekê hîviyê be, heta ku geşbûna wîye cahiltiyê derbaz be, dêmek ew wede derbaz be çaxê hestên sêksûal gelek qewî ne, çimkî ev yek dikare nerast ser safîkirina wî, hukum be (1 Korintî 7:36).

5. Bi bîlanî xwera mêr yan jinê bijbêre

Bijartina hevalzewac, safîkirineke lape ferz e. Bixûne Metta 19:4-6, 9, û paşê evê pirsê şêwir ke:

• Çima Mesîhî gerekê lez nekeve bizewice yan mêr ke?

Kitêba Pîroz dikare alî te bike, ku bizanibî çi gerekê hildî hesab, wekî hevalzewacê layîq bivînî. Lê ya lape ferz ew e, wekî hevalzewacê usa xwera bivînî, kîjan ku Yehowa hiz dike.b Bixûne 1 Korintî 7:39 û 2 Korintî 6:14, û paşê van pirsa şêwir ke:

• Çima em gerekê tenê tevî bawermendê xwe bikevine zewacê?

• Yehowa wê çi ser xwe texmîn ke, hergê tu tevî wî merivî bikevî zewacê, kîjan ku Yehowa hiz nake?

6. Bira nihêrandina te ser zewacê mîna ya Yehowa be

Îsraêla berêda, hine mêr ji bo xwehiziyê bê menî ji jina xwe diqetiyan. Bixûne Malaxî 2:13, 14, 16, û paşê evê pirsê şêwir ke:

• Çima Yehowa hevqetandinê nefret dike?

Vêxe VÎDÊO, û paşê van pirsa şêwir ke.

VÎDÊO: “Zewac Soza Her-Heyî ye” (4:30)

• Hergê hevalzewacê te, bawermend nîne, tu çi dikarî bikî, seva ku zewaca te bextewar be?

7. Normên Yehowaye bona zewacê bide xebatê

VÎDÊO: “Normên Yehowaye Derheqa Zewacê Dikarin Alî Te Bikin” (4:14)

Bixûne Îbranî 13:4, û paşê van pirsa şêwir ke:

• Bi texmîna te, normên Yehowaye derheqa zewacê bi bîlanî ne? Çira tu usa difikirî?

Yehowa dewa dike, wekî Mesîhî zewaca xwe û usa jî hevqetandinê li gora qanûna dewletê destûr kin. Bixûne Tîto 3:1, û paşê evê pirsê şêwir ke:

• Hergê tu zewicî yî, tu sed selefî bawer î, wekî zewaca te bi qanûnê destûrkirî ye?

TEMAMKIRIN

Çawa ji azepiyê usa jî ji zewacê, em dikarin şabûn û lezetê bistînin, hergê herdu derecada jî qirara Yehowa bînin sêrî, çimkî ew pêşkêşên ji Xwedê ne.

Wekilandin

• Çawa meriv dikare azepiya xwe bi bîlanî bide xebatê?

• Çira Kitêba Pîroz dibêje, wekî tenê tevî bawermendê xwe bikevine zewacê?

• Tenê ji bo kîjan menî li gora Kitêba Pîroz îzin e ji hev biqetin?

HÊ ZÊDE PÊBIHESE

Çi tê hesabê tenê tevî “bawermendê Xudan” bikevine zewacê?

“Pirsên Xwendevana” (“Birca Qerewiliyê”, 1 Tîrmehê, 2004)

Sê vîdêoyên kin binihêre, yên ku wê alî te bikin bi bîlanî safîkirinên zewacêva girêdayî bikî.

“Hazirbûna bona Zewacê” (17:05)

Pêbihese çira birak difikire, wekî Yehowa tiştên diha qîmet da wî himberî wan tişta, çi ku ewî bona Yehowa berva kir.

“Ez Bawer bûm ku Ewê Rastiyê Qebûl ke” (1:56)

Pêşiya ku meriv safî dike ji hevalzewacê xwe biqete yan başqe bijî, ew kîjan hine tişta gerekê hilde hesab?

“Hurmet kin Zewacê, çimkî Ew Sazkirina Xwedê ye” (“Birca Qerewiliyê”, Kanûna Pêşin, 2018)