Kilam 33
Ji Wana Netirse!
1. Pêşda here cimeta min,
Mizgîniyê tu bela ke.
Ji dijmina netirse,
Tu timê rastiyê bêje.
Mesîh wê niha hukum ke,
Û dijminêd xwe alt ke.
Ew Mîrê-cina girêde,
Wera azayê bîne.
(Lêwegerandin)
2. Dijmin ordîke mezine,
Şer dike, ditirsîne.
Dixwaze bixapîne,
Te li ser rê derxîne.
Lê tu ji wana netirse,
Eskerê minî amin.
Şer bike heta xilaziyê,
Ezê timê te xwey kim.
(Lêwegerandin)
3. Xem neke, ez te nahêlim,
Ez mertal im bona te.
Heger tu bimirî jî,
Ezê sag kim dîsa te.
Tu bedenkuja netirse,
Nikarin nefs bikujin.
Yêd ku amin bimînin, wê
Dîsa emir bistînin.
(LÊWEGERANDİN)
Tu car netirsin dijmina,
Çetinaya teyax bikin.
Ça ronaya çevê xwe ez
Yêd amin xilaz bikim.
(Binihêre usa jî Qan.Dcr. 32:10; Nehem. 4:14; Zeb. 59:1; 83:2, 3.)