Ahe Pamarentahatn Allah Koa?

AHE NANG ALKITAB NGATAATN

”Allah kaʼ saruga maoʼ mamuat pamarentahatn nang kakal salamanya.”​—Daniel 2:44, Bahasa Indonesia Masa Kini.

”Sekoʼ kamudaʼ dah dimaranakatn untuʼ diriʼ, bujakng tarigas dah dimareatn untuʼ diriʼ; tanda pamarentahatn ada kaʼ atas bahunya.”​—Yesaya 9:5, Terjemahan Baru.

GUNANYA UNTUʼ KITAʼ

• Kitaʼ bisa idup dame barakat ada pamarentahatn nang adil man bisa dipucayaʼ.​—Yesaya 48:17, 18.

• Kitaʼ inaʼ sakit agiʼ, ba tubuh ringakng, man idup repo kaʼ dunia barahu.​—Penyingkapan (Wahyu) 21:3, 4.

AHE GEʼ DIRIʼ BISA PUCAYAʼ KAʼ AHE NANG ALKITAB NGATAATN?

Auʼ. Sainaʼnya ada dua alasan:

• Yesus dah mareʼ bukti ahe nang bisa dipamuat Pamarentahatn Allah. Ia ngajariʼ pangikutnya untuʼ noaatn biar Pamarentahatn Allah atakng man kahendak-Nya tajadi kaʼ dunia. (Matius 6:9, 10) Yesus mareʼ bukti doa koa pasti dijawap ana.

  Waktu Yesus kaʼ dunia, ia mareʼ makatn nang lapar, nyamuhatn nang sakit, ngidupatn nang mati! (Matius 15:29-38; Yohanes 11:38-44) Nian bukti, ana kadeʼ ia jadi Raja kaʼ Pamarentahatn Allah, ia maoʼ mamuat nang labih hebat agiʼ untuʼ rakyatnya.​—Penyingkapan 11:15.

• Kaadaatn dunia mareʼ bukti kadeʼ Pamarentahatn Allah koa dah atakngngaʼ. Yesus ngataatn paparangan, kalaparatn, man gempa bumi kaʼ manyak tampat pasti tajadi doho sanapeʼ Pamarentahatn Allah ngatangan padamean kaʼ dunia.​—Matius 24:3, 7.

  Koalah nang dah diriʼ neleʼ ampeatn. Jadi, diriʼ bisa pucayaʼ Pamarentahatn Allah koa inaʼ lama agiʼ ngapusaʼ samua masalah.