Ahe Alkitab Koa?

AHE NANG ALKITAB NGATAATN

Ahe nang dah taconteng kaʼ dalapm Alkitab, baʼasal dari Allah.”​—2 Timotius 3:16, Bahasa Indonesia Masa Kini.

GUNANYA UNTUʼ KITAʼ

Ngarasa puas bisa namu jawapan untuʼ bamacam patanyaatn nang panting soal kaidupatn.​—Amsal 2:1-5.

Nasehat nang ada kaʼ dalapm Alkitab, pasti bisa mantoʼ diriʼ kaʼ kaidupatn saʼari-ari.​—Mazmur 119:105.

Ngampuʼ arapatn nang pasti kaʼ masa depan.​—Roma 15:4.

AHE GEʼ DIRIʼ BISA PUCAYAʼ KAʼ AHE NANG ALKITAB NGATAATN?

Auʼ. Sainaʼnya ada talu alasan:

• Samua isi Alkitab inaʼ batantangan. Alkitab dinulis salama kurang labih 1.600 tahutn, panulisnya ada 40 urakng. Kamanyaʼkatn ia kaʼ koa inaʼ batauʼanan. Tapi isi Alkitab inaʼ balawanan, sabab nyampeatn soteʼ barita nang sama soal Pamarentahatn Allah!

• Panulis Alkitab jujur. Panulis buku nang lain biasanya nutupiʼ kakalahatn bangsanya. Tapi panulis Alkitab jujur maoʼ nulisatn kasalahatnnya babaro man kajahatatn bangsanya.​—2 Tawarikh 36:15, 16; Mazmur 51:1-4.

• Ramalannya bisa dipucayaʼ. Contohnya, labih dari 700 tahutn nang deʼe Alkitab nyabutatn tampat Yesus dimaranakatn kaʼ Betlehem. (Mikha 5:2) Ahe geʼ batol Yesus dimaranakatn kaʼ Betlehem? Auʼ, sidi batol!​—Matius 2:1-6.

Manyak ramalan Alkitab nang lain dah tajadi dari nang ayaʼ sampe nang enek. Nian bukti kadeʼ Alkitab koa batol-batol pakataatn Allah.​—2 Petrus 1:21.