“Ngatholere Ingabara Esyosaha Singahi?”

Wune wathabulya ekibulyo ekyo? Obusondoli obwanga thuwathikya bune omwa kitabu Organized olhupapura 86-87. Obundi busondoli bukabya ibune muhebwa, ng’obuli omw’Akasanduko ak’Ebibulyo omwa lhupapura olhw’Omubiiri Wethu ow’Obwami olhwa Seputemba 2008. Kundi emibere ni y’embaghane, sithwathahebwa ebilhaghiro bingyi eby’erikwama. Busana n’ekyo, kyanganabya kibuya abasyakulhu kutse abandi erithendi hira h’ebindi bilhaghiro.

Hamabuthuka ekibulyo kandi omwa bitabu byethu esimuli omwatsi owakakisoborera, obuli muthuliri angana yibulya: Mbwino obuthuku obu bulyakolesibawa omw’ithulira? Kutse bulyakolesibawa okwa yindi mibiiri eyithahambangene n’ow’erithulira? Ebya thukahira okwa ripoti bitholere ibya thutsemesya butsira erithulhumya muthima. (Emib. 23:1) Nomwabine, ekikulhu kutsibu siry’eribara endambi, aliriryo ly’erikolesya endambi eyo ya ndeke omw’ithulira n’omuhwa.​—Ebr. 6:11.