Erisomo 8

Engebe y’Amaka Eyikatsemesaya Yehova

Omulhume awithe mwanya ki omwa maka? (1)

Omulhume atholere erithwalha mukali wiwe yathi? (2)

Ni mubiiri ki owa thatha awithe? (3)

Omukali awithe mwanyaki omwa maka? (4)

Yehova akaronda ki okwa babuthi n’okwabana? (5)

E Biblia yiwithe bulengekania ki

okw’ilhwamo n’erikomolhwa omwa lhuthahyo? (6,7)

1. E Biblia yikabugha yithi omulhume ya muthwe wa maka wiwe. (1 Abanya Korinto 11:3) Omulhume atholere eribya namukali mughuma musa. Anguli ibalunga ndeke omo lhuthahyo olhuhenirye embere sy’ebiraghiro.—1 Timoteo 3:2; Tito 3:1.

2. Omulhume anguli inyanza mukali wiwe ngokwa ayanzire iyo iyowene-wene. Atholere inyamuthwalira omwa mibere eya Yesu abyamu n’abigha biwe. (Abanya Efeso 5:25, 28, 29) Syatholere eriswirya mukali wiwe kutse erimwaghalya omwa mibere yosi. Aliriryo, anguli anyamuha ekitsumbi n’erimusikya.—Abanya Kolosai 3:19; 1 Petero 3:7.

3. Thatha atholere erikolha kutsibu athoke eritsomana ab’eka yiwe. Akahanawa erironderya mukali wiwe n’abana biwe b’ebyalya, eby’eriambalha n’aherikesya. Kandi thatha nibya atholere erihererya amaka wiwe w’ebiyithawa byabu eby’obunyakirimu. (1 Timoteo 5:8) Akathwalha obusondoli eriwathikya amaka wiwe erigha oku Yehova n’ebighendererwa Biwe.—Eryibuka Ebihano 6:4-9; Abanya Efeso 6:4.

4. Omukali anguli anyabya muwathikya mubuya wa mwira wiwe. (Enzuko 2:18) Atholere eriwathikya mwira wiwe omwisomesya n’erikangirirya abana babu. (Emisyo 1:8) Yehova akaronda athi anguli omukali inyatsomana amaka wiwe omwa lhwanzo. (Emisyo 31:10, 15, 26, 27; Tito 2:4, 5) Atholere inyabya n’erisikya mwira wiwe n’erimuha ekitsumbi.—Abanya Efeso 5:22, 23, 33.

5. Yehova anzire abana ibowa ababuthi babo. (Abanya Efeso 6:1-3) Akanza ababuthi bakangiriraye n’erihabulha abana babu. Ababuthi anguli ibabana endambi eribya n’abana babu kandi n’erigha e Biblia nabo, n’eritsomana ebiyithawa byabu ebyo bunyakirimu n’ebirengekanio. (Eryibuka Ebihano 11:18, 19; Emisyo 22:6, 15) Ababuthi sibatholere erihabulha abana babu omw’itsuruma kutse omwa kinigha kinene.—Abanya Kolosai 3:21.

6. Omughulhu abandu abalungire bangabana ebitsibu omwa kathikathi kabo, anguli ibalengaho erikolesya erihabulha erye Biblia. E Biblia yikathuthererera erikangania olhwanzo n’eribya abaghanyiri. (Abanya Kolosai 3:12-14) Ekinywa kya Yehova sikiribugha kithi erighunza hehitsibu hikehike anguli omughuma inyalhwamu. Kwihaho omukali angana thwamu erilhwa oku mwira wiwe hamabya (1) omulhume akayiririra n’erighundu erighana eriwathikya amaka wiwe, (2) amabya mutsibu kutsibu indi n’engebe y’omukali yangabya iyiri omwa kabi, kutse (3) akendereraya mukali wiwe yo kutsibu n’erimulemesya eriramya Yehova.—1 Abanya Korinto 7:12, 13.

7. Abalungire batholere ibabya abathereghulha owundi okwa ghundi. Obusingiri nikibi oku Yehova n’oko’yowulungire nayo. (Abaebrania 13:4) Obusingiri ya nzumwa nyisa omwa masako eyangimanirwako eyerithwa embeta neryo imuhabya obwiranda obweringira omwa lhuthahyo olhundi. (Matayo 19:6-9; Abanya Roma 7:2, 3) Yehova akapona abandu ba makomolhana ahathe Masako awo bimaniremo n’eriyathahya owundi.—Malaki 2:14-16.

[Ebisasani okwa lhupapura 17]

Yehova anzire ababuthi ibakangirirya n’erihabulha abana babu

[Ekisasani okwa lhupapura 17]

Thatha oyowanzire amaka wiwe, akatsomana wo omwa byo mubiri n’ebyekirimu