Mbwino e Watchtower ey’Olhusungu Olhwolhobire Yangana Kughasira?

E Watchtower ey’eryighira omwa kithunga yabirihulhukibwa n’omwa Lhusungu olhwolhobire. Yikolirwe busana nabano: (1) Abathuliri abakabugha Olhusungu aliriryo ibakanza olhwolhobire obundi busana n’erisoma kike; (2) Abathuliri abasi Olhusungu aliriryo isi w’omubughe wabu; (3) Abalere, imwamuli abali omwa bitebe eby’ahisi; na (4) Abigha abakanza Olhusungu olhwolhobire nuku bayitheghereraye eby’obunyakirimu.

Emighanzo ey’ehitsweka, ey’ebibulyo, n’emithwe yan’eyine omwa ya buli kiro. Omwatsi wan’omughuma, aliriryo Olhusungu lhwa lhwolho. Oyukasondolha n’omusomi nomubanga kolesya eya buli kiro, abali n’eyolhobire ibakendibya ibane mulhangira amasako n’ebyerireberyako ibyan’ebighuma, kandi ibakendibya ibane mukwama ndeke obusomi n’erithoka erisubirya. Aliriryo abangyi bamabya ibabawithe eyolhobire, obo omusondoli n’omusomi iya banemwendi kolesya.

Abakayowa ibangana ghasirwa omwa Watchtower eyi, batholere ibasabayo erilhabira omwa kithunga.