Eryuwania Emibere Yethu ey’Erithulira—Eribegheresya Abahya-bahya

Omughaso w’Erikolha Eki: Abigha ba Yesu abahya-bahya batholere ibigha erikolha “ebyosi” ebya ahana, imwamuli n’erikangirirya abandi b’ekwenene. (Mt. 28:19, 20) Abahya-bahya bangyi babiringira omw’Ithendekero ery’Omubiiri w’Ekiteokrasi kandi banganabya ibakanathulira abahughu kutse banywani babu. Aliriryo, bakabya bane mwanza ebya bak’igha n’eriminya ngoku Yehova anzire abandu abosi ibowa engulhu yuwene, ibangananza eribya bathuliri. (Abar. 10:13, 14) Abahya-bahya bakabya babirilighirwa eribya bathuliri abathabatizibirwe, eribegheresibwa ndeke irikendi bawathikya erisika ndeke omwa kiika eki eky’erikulha-kulhana bunyakirimu.—Lk. 6:40.

Ngoku Kyanga Kolhwa:

Wathikaya omuthuliri muhya-muhya erithunga ebitabu ebikayithaghisibawa omw’ithulira n’erikangirirya. Mukanganaye ebya wukahira omwa kikapa kyawu wukayathulira, kandi musoborera omughaso w’obuli kitabu ekya wukaheka.
Mwangana sombolha omwatsi mughuma owali omwa ebya thwanga bugha ebiri omwa lhupapura lhw’Omubiiri Wethu ow’Obwami n’eriyibegheresyagho haghuma nayu. Mubwire wuthi abughe ebya thwanga bugha ebi omwa binywe biwe. Mwangana yibegheresya ngoku mwanga kolesya emyatsi muthina-muthina eyanga kolha omwa bulhambu bwenyu okwa yiri omwa kitabu Ministry School olhupapura 82. Hira omuwatho w’okwa myambalire n’emiyipambire eyitholere.—2 Kor. 6:3, 4.
Lholha embere erimubegheresya. Kanganaya omuthuliri muhya-muhya y’ekadi eyitherire kw’obulhambu, n’erimukangirirya ngoku anga kolesya akafomu aka house-to-house record. Mukangiriraye ngoku anga handika ebihambire okwa bakanzisibawa. Mukangiriraye ngoku anga kolesya e jw.org omw’ithulira n’akatabu Good News for People of All Nations. Muwathikaye ngoku anga kulha-kulhania eryanzisibwa ery’akabana.—1 Kor. 3:6.
Ghumisirizaya, kandi musime. (Emi. 25:11) Ibya ky’erileberyako kibuya. Omuhwa wawu n’eritsomana erya wukakanganaya byangana muhambako omwa buthuku obukasa.

Lengesaya Kino Omwa Kwezi Kuno:

Kolha n’omwigha wawu omw’ithulira nyumba okwa nyumba, kandi ghenda nayu okwa bawukasubako kutse okwa bigha bawu. Wamabya isiwuwithe omwigha, kolha n’omuthuliri oyuthasi bingyi.