Wathikaya ab’Eka Yawu Eryibuka Yehova

Yeremia mwahebwa omubiiri ow’erikunga Abayuda okw’ithoghothibwa eryabya irikayabya kundi babya ibabiribirirwa Nyamuhanga wabu, Yehova. (Yer 13:25) Ekihanda eki mukyahika kithi omwa mibere ey’obunyakirimu ey’obulighe eyi? Ekihanda ky’Abaisraeli kyabya ikyabiriherya obunyakirimu bwakyo. Erithwalira haghuma, abalhume b’amaka sibabya bakakwama obusondoli bwa Yehova obuli omu Eryibuka Ebihano 6:5-7.

Munabwire, amaka awaghumire bunyakirimu wakaleka ebithunga byethu ibyaghuma. Abalhume b’amaka bangana wathikya ab’eka yabu eryibuka Yehova omw’ibya mughulhu wosi n’endegheka eyuwene ey’Eriramya ly’Eka. (Esy 22:27) Enyuma w’erilebya evidiyo “N’Ebinywe Ebyo . . . Byasyabya omo Muthima Wawu”—Eka Eribulibwa, musubiraye okwa bibulyo bino:

• Amaka abirithoka athi erisingura ebitsibu ebyanga lemesya eriramya ly’eka?

• Ni mighisa yahi eyabirilhwiririra omw’ibya n’endegheka eyuwene ey’Eriramya ly’Eka?

• Erikwamana n’eriramya ly’eka, ni bitsibu byahi ebyanga withe, kandi nga thegheka indi eribighunzaho?