Wibuke Mukali wa Loti

Ni kyahi ekyaleka mukali wa Loti iniakebera enyuma akalhua e Sodomu? E Biblia siyiri thubwira. (Enz 19:17, 26) Aliwe erikwamana n’omwatsi owabya akakanibwako Yesu akaha erikunga eri, akakanganaya ngoku angabya imwayighomba ebindu ebya asigha enyuma. (Lk 17:31, 32) Thwanga yitheya thuthi nuku sithuheraye obughuma bwethu na Nyamuhanga nga mukali wa Loti? Sithutholere thukalighira eryanza ebindu kikabya kindu kikulhu omwa ngebe yethu. (Mt 6:33) Yesu mwakangirirya athi sithwanga “thoka erikolera Nyamuhanga n’ebindu.” (Mt 6:24) Kandi ibbwa thwamalhangira eryanza ebindu by’ekinyamubiri iriri kw’ingirira engebe yethu y’obunyakirimu? Ithwangana saba Yehova y’amenge aw’erilhangira aha thukayithagha erikolha esyombinduka n’obuthubaha n’akaghalha k’erikolha ekyo.

IBUKA EBIRI OMWA VIDIYO EY’EBITSWEKA BISATHU EYA MWIBUKE MUKALI WA LOTI, N’ERISUBIRYA OKWA BIBULYO BINO:

• 

  Akahathikano ak’erikolha esyosente nene mukahamba kathi okwa malengekania, emibughire, n’emikolere ya Gloria?

• Eky’erileberyako kya mukali wa Loti kikathukunga kithi munabwire?

• Emisingyi ye Biblia muyawathikya yithi Joel n’eka yiwe?

• Abo Anna abya akakolha nabo mubahamba bathi okwa bunyakirimu bwiwe?

• Busana naki thukayithagha obuthubaha thwamahathikanwa erihira esyosente sy’embere omwa ngebe?

• Brian na Gloria mubathasyahira bathi eby’obunyakirimu by’embere?

• Ni misingyi yahi eye Biblia eya wukalhangira eyiri omwa vidiyo eyi?