Cuamiotsa papia lia jaledauca

BIBLIA ICAITE

“Dios watsa jiataca nati iuya natiawia. Nite curitsaotsa mayamica apada, curim tsacaotsa cuca iiyaca, curiwatsa coyole nacaole, curiwatsa nerapitaca, ima liyapaquenao piomi liaji oopidalim.” (Apocalipsis 21:3, 4, El Nuevo Testamento de Nuestro Señor Jesucristo).

CUADA MACHIA WAANJICA

Wasoatsa wadenjicale machiadali nite catiimaotsawa (Isaías 65:21-23).

Yamiotsa werapitaca nite curim caiwiacawa (1 Corintios 15:26, 54; Isaías 33:24).

Waowaaotsa catiima waquichiñape iapiya nite waquichinda tsaca caidalitsa (Salmo 37:11, 29; Mateo 5:5).

PA WATAITA WACADAACA WACAOLEO LINACO LIA BIBLIA

Aja, nini yamada iacoti.

• Dios itaita jinaitaca liaji licaitenda. Biblialico licaite, Dios catsa caidadali piomi iuya, curim cuancaoli liweyacao liaji lida (Apocalipsis 15:3). Nini licaitecadanaco limachietacaotsa lia jaledauca, waanji ajadalica linaitacani. Caiji Biblia icaitecapiso, “Dios itaita inaitaca naso piomi cucaca liomali” (Mateo 19:26).

• Dios ioma jinaitaca liaji licaitenda. Caiji nacayosho naji inaiquinai mayamiperi, Biblia icaite Jeowa lioma caawica naji inaiquinai mayamiperi (Job 14:14, 15).

  Licaite tsaca, Jesús Dios iri, limachietaca naji carenaperi. Cuadacai linaitapia. Liomacapoa (Marcos 1:40, 41). Piomi liniri inaitali liri jinaita tsacan pacuacatsa liapiya liquichindatacaroatsa na quenaperi (Juan 5:19).

  Piomi liaji licañaatali waso lia Jeowa nite Jesús naomaca wasoca papia jaledauca machiadali (Salmo 72:12-14; 145:16; 2 Pedro 3:9).