Caiteri imeenaca lia jaledauca

BIBLIA ICAITE

“Ñaacaim icaapiricoca liaji jaledauca piomi.” (1 Juan 5:19, El Nuevo Testamento de Nuestro Señor Jesucristo).

“Dios iri ino jaledaucalicole liñeetacaro liaji maachiri ñacaaim inaitali waso.” (1 Juan 3:8, El Nuevo Testamento de Nuestro Señor Jesucristo).

CUADA MACHIA WAANJICA

Waanji watsa caiteca liniita liaji jirapitinadali jaledaucalico (Apocalipsis 12:12).

Waanji watsa ajadali wawapaca jaledauca machiadali (1 Juan 2:17).

PA WATAITA WACADAACA WACAOLEO LINACO LIA BIBLIA

Aja, nini madalida iacoti.

• Liwayacaotsao lia Ñacaaim italicanaa. Ñaacaim imeenaca liaji jaledauca nini Jeowa jiitaotsani liuya nite “lipecoatsa... lia ñaacaim” limachietacaroatsa piomi liaji limachiquetanda (Hebreos 2:14, El Nuevo Testamento de Nuestro Señor Jesucristo).

• Dios iqueepitanata talicanaati liaji Jesucristo. Panaya liaji imeenacada liaji jaledauca maachidali nite iwarocaita mitsa Jesús teecoledali. Dios icaite linaco liaji Cristo italicanaa liaanji watsa nanaco machia naji quenaperi, liquichindataotsa na neponda iuya (Salmo 72:13, 14).

• Curipida Dios itaita icashataca. Biblia icaite “curim Dios litaita licashata” (Hebreos 6:18). Nini watsa lia licaitenda waanji watsa caica limotocao (Isaías 55:10, 11). Licaitepia “nopeecoatsa nauya liaji jaledauca italicanaa ñaacaim” (Juan 12:31).