Cuandali piso lia Biblia

BIBLIA ICAITE

“Dios nitedalica piomi liaji liaco nadananda.” (2 Timoteo 3:16, El Nuevo Testamento de Nuestro Señor Jesucristo).

CUADA MACHIA WAANJICA

Waanjiwatsa piomi liaji curidalipia waanji wanaco (2 Timoteo 2:7).

Waanjiwatsa cuamica waowaacao jaledauca icuam (2 Pedro 1:19).

Wawapaotsa apapia jaledauca machiadali (Romanos 15:4).

PA WATAITA WACADAACA WACAOLEO LINACO LIA BIBLIA

Aja, nini madalida iacoti.

• Curim cuancaoli licaiteca teecole. Lia Biblia nadanapia na cuarenta aachianai, liwiyaca nadanaca mil seisiento jamulia. Mitsa curim cuancaoli nacapacao curim licaiteca teecole, padanacotsa iacoti licaite.

• Nadana ajadali. Naji icanantacape oopimenaco nadawa linaco liaji maachicadanaco nayapacao. Mitsa naji idanacape Biblia, curim nadawaca liaji namaachicana, curim tsaca nayacale imaachicana (Hechos 7:51; Salmo 51:1-4).

• Na profesia caidalitsa limotoca licaitecapisho. Lia profecía 700 jamulia ipeyatoa, Biblia icaite, Jesús imotocaotsa icapa jaledauca lirico lia yacaale Belén (Miqueas 5:2). Quere limotoca licapaca jaledauca lia Jesucristo. Biblia icaite Belénlico (Mateo 2:1-6).

  Aima profesia namotoa piomi machia. Catsa wawapalica linaco lia Dios iaco (2 Pedro 1:21).