Урок 1

Кыдзи тӧдмавны, мый тшӧктӧ Ен

Кутшӧм колана юӧръяс гижӧма Библияын? (1)

Коді сылӧн авторыс? (2)

Мыйла колӧ велӧдны Библиясӧ? (3)

1. Библия — Енлӧн дона козин. Сійӧ кыдз письмӧ, кодӧс гижис радейтысь бать челядьыслы. Библияын висьтавсьӧ Ен йылысь збыль: коді сійӧ да кутшӧм сылӧн нормаясыс. Сэні висьтавсьӧ, кыдзи венны сьӧкыдлун да аддзыны збыль шуд. Сӧмын сэтысь позьӧ тӧдмавны, кыдзи лоны Енлы шогманаӧн (Псалом 1:1—3; Исайя 48:17, 18).

2. Библиясӧ заводитісны гижны миян эраӧдз 1513 восянь 1 600 во чӧж. Гижисны сійӧс 40 гӧгӧр морт. Библияӧ пырӧ 66 небӧг. Сылысь гижысьяссӧ ышӧдіс Ен. Найӧ гижисны эз ассьыныс, а Енлысь мӧвпъяссӧ. Та вӧсна Библиялӧн авторыс абу морт, а енэжын олысь Ен (2 Тимофейлы 3:16, 17; 2 Петырлӧн 1:20, 21).

3. Ен тӧждысис сы йылысь, медым Библиясӧ эз торкавны выльысь гижигас да сійӧ эз вош. Библиясӧ печатайтӧма сы мында, мый тираж лыд сертиыс сыкӧд орччӧн оз позь пуктыны некутшӧм мӧд небӧг. Оз ставыс кутны радлыны, мый тэ велӧдан Библия, но эн лэдз некодлы падмӧдны асьтӧ. Тэныд паныд мунӧм вылӧ видзӧдтӧг Ен йылысь тӧдӧмлун босьтӧм да сылысь тшӧктӧмъяссӧ олӧмӧ пӧртӧм — сійӧ подув тэнад помасьтӧм олӧмыдлы (Матвейсянь 5:10—12; Иоансянь 17:3).