Урок 2

Ен, коді сійӧ сэтшӧмыс?

Збыль Ен, коді сійӧ сэтшӧмыс да кутшӧм сылӧн нимыс? (1, 2)

Кутшӧм сылӧн телӧыс? (3)

Кутшӧм сылӧн медшӧр качествоясыс? (4)

Колӧ-ӧ сылы служитігӧн вӧдитчыны ӧбразъясӧн да символъясӧн? (5)

Кыдзи кык ногӧн позьӧ тӧдмавны Ен йылысь? (6)

1. Йӧз служитӧны унаторлы. Но Библияын висьтавсьӧ, мый эм сӧмын ӧти ЗБЫЛЬ Ен. Сійӧ вӧчис ставсӧ, мый енэжын да му вылын. Сетіс кӧ сійӧ миянлы олӧм, служитны колӧ сӧмын сылы Ӧтнаслы (1 Коринфӧ 8:5, 6; Восьтӧм 4:11).

2. Енлӧн уна титул, но сӧмын ӧти ним. Енлӧн нимыс — ИЕГОВА. Унджык Библия вуджӧдӧмъясас Енлысь нимсӧ бырӧдісны да вежисны титулъясӧн Господь да Ен. Но Библия оригиналас «Иегова» нимыс паныдасьліс 7 000 гӧгӧр! (Петӧм 3:14; Осия 12:5).

3. Иеговалӧн эм телӧ, но сійӧ торъялӧ миянысь. «Енмыс Лов» — гижӧ Библия (Иоансянь 4:24). Лов — сійӧ олӧмыслӧн форма, коді миянысь ёна вылын. Ни ӧти морт некор эз аддзыв Енсӧ. Иегова олӧ енэжын, но аддзӧ ставсӧ (Псалом 10:4, 5; Иоансянь 1:18). А вежа лов — мый сійӧ сэтшӧмыс? Сійӧ абу вежӧра олысь, кыдзи Ен. Сійӧ Енлӧн удж вӧчан вын (Псалом 103:30).

4. Библия миянлы восьтӧ, кутшӧм Иегова ачыс. Петкӧдлӧ сылысь медшӧр качествояссӧ — радейтӧм, веськыдлун, мывкыдлун да вын (Мӧд Индӧд 32:4; Иов 12:13; Исайя 40:26; 1 Иоансянь 4:8). Библияын сідзжӧ висьтавсьӧ, мый Ен небыд сьӧлӧма, бур, дась прӧститны, лышкыд да терпитысь. Миянлы, кыдз кывзысьысь челядьлы, колӧ зільны лоны сы кодьӧн (Ефесӧ 5:1, 2).

5. Колӧ-ӧ Енлы служитігӧн пыдди пуктыны ӧбразъяс, серпасъяс, символъяс да служитны налы? Оз! (Петӧм 20:4, 5). Иегова висьталӧ, мый миянлы колӧ служитны сӧмын сылы. Сійӧ оз кут юкны ассьыс нималӧмсӧ кодкӧдкӧ либӧ мыйкӧдкӧ. Ӧбразъяс нинӧмӧн оз вермыны миянлы отсавны (Псалом 113:12—16; Исайя 42:8).

6. Кыдзи позьӧ бурджыка тӧдмавны Енсӧ? Ӧти ногӧн — видзӧдны сылӧн вӧчӧмторъяс вылӧ да ёна мӧвпавны, мый йылысь найӧ висьталӧны. Енлӧн вӧчӧмторъяс петкӧдлӧны, мый сылӧн эм ыджыд вын да мывкыдлун. Сылӧн став вӧчӧмас тыдалӧ радейтӧм (Псалом 18:2—7; Римсалы 1:20). Мӧд ног Ен йылысь тӧдмалӧм — Библия велӧдӧм. Сы пыр сійӧ висьталӧ ёна унджык ас йывсьыс, кутшӧм сійӧ Ен. Сэні сійӧ висьталӧ, мый лӧсьӧдчӧ вӧчны да сідзжӧ, мый сійӧ кӧсйӧ миянсянь (Амос 3:7; 2 Тимофейлы 3:16, 17).

[Иллюстрации, страница 5]

Ми тӧдмалам Ен йылысь сылӧн вӧчӧмторъяс да Библия пыр.