Урок 16

Енлы служитны шуӧм

Мый вӧчны, медым лоны Енлы ёртӧн? (1, 2)

Кыдзи сины асьтӧ Енлы? (1)

Кор позьӧ пыртчыны? (2)

Кытысь босьтны вын, медым видзны Енлы вернӧйлун? (3)

1. Медым лоны Енлы ёртӧн, колӧ бура тӧдмавны Библияса збыльсӧ (1 Тимофейлы 2:3, 4), эскыны сыӧ, мый тэ тӧдмалін (Еврейяслы 11:6), каитчыны мыжъясын (Уджъяс 17:30, 31) да вежны оланногтӧ (Уджъяс 3:19). Сэсся Енмӧс радейтӧм ышӧдас тэнӧ сины асьтӧ Енлы. Тайӧ лоӧ, мый тэ аслад кевмӧмад висьталан Енлы, мый сетан асьтӧ сылысь тшӧктӧмъяссӧ вӧчӧм вылӧ (Матвейсянь 16:24; 22:37).

2. Асьтӧ Енлы сиӧм бӧрын колӧ пыртчыны (Матвейсянь 28:19, 20). Пыртчӧмыд сетӧ ставыслы тӧдны, мый тэ сиин асьтӧ Иеговалы. Та вӧсна пыртчыны вермӧны сӧмын верстьӧ йӧз, медым служитны Енлы. Пыртчигӧн мортыслы став тушанас колӧ здук кежлӧ пыравны ва улӧa (Марксянь 1:9, 10; Уджъяс 8:36).

3. Сы бӧрын, кыдз тэ сиин асьтӧ Иеговалы, сійӧ кутас виччысьны, мый тэ кутан овны аслад кӧсйысьӧм сертиыд (Псалом 49:14; Екклесиаст 5:3, 4). Дявӧл кутас вӧчны ставсӧ, медым тэ дугдін Иеговалы служитны (1 Петырсянь 5:8). Но матыстчы Енмыс дорӧ кевмысьӧм пыр (Филиппӧ 4:6, 7). Быд лун велӧд сылысь Кывсӧ (Псалом 1:1—3). Кут крепыд йитӧд собраниекӧд (Еврейяслы 13:17). Тадзи вӧчӧмӧн тэ кутан босьтны вын, код отсӧгӧн тэныд позяс видзны Енлы вернӧйлун. Тэ верман нэмъяс чӧжыд пӧртны олӧмӧ ставсӧ, мый тэныд тшӧктӧ Ен!

[Сноска]