Урок 15

Кыдзи отсавны йӧзыслы олӧмӧ пӧртны Енлысь тшӧктӧмъяссӧ

Мыйла колӧ висьтавлыны йӧзыслы сійӧ буртор йывсьыс, мый йылысь тэ тӧдмалін? (1)

Кодкӧд позьӧ юксьыны бур юӧрӧн? (2)

Кыдзи вермас мӧрччыны йӧз вылас тэнад оласногыд? (2)

Кор позяс собраниекӧд ӧттшӧтш паськӧдны бур юӧр? (3)

1. Тайӧ кад кежлӧ тэ тӧдмалін Библияысь уна буртор. Тайӧ тӧдӧмлуныс ышӧдӧ тэнӧ сӧвмӧдны асьтӧ, кыдзи христианинӧс (Ефесӧ 4:22—24). Библейскӧй тӧдӧмлунсӧ колӧ босьтны, медым шедӧдны помасьтӧм олӧм (Иоансянь 17:3). Сідзжӧ и мукӧд йӧзлы колӧ тӧдны бур юӧрсӧ, медым мездысьны. Став збыль христианалы быть колӧ висьтавлыны бур юӧрсӧ мукӧд йӧзлы. Тайӧс тшӧктіс Ен (Римсалы 10:10; 1 Коринфӧ 9:16; 1 Тимофейлы 4:16).

2. Тэ верман заводитны юксьыны став бурнас, мый тӧдмалін, аслад матыссаясыдкӧд. Висьтав та йылысь аслад семьяыдлы, ёртъясыдлы, школаын велӧдчысьясыдлы да удж вылад. Висьталігӧн ло бурӧн да терпитысьӧн (2 Тимофейлы 2:24, 25). Тӧд вылын кут, мый кывзӧм дорысь йӧзыс векджык видзӧдӧны мортлӧн оласног вылӧ. Та вӧсна ёнджыкасӧ тэнад бур оласногыд вермас кыскыны йӧзсӧ юӧр дорас, кодӧс тэ висьталан (Матвейсянь 5:16; 1 Петырсянь 3:1, 2, 16).

3. Мыйтакӧ кад мысти, вермас лоны, тэнад лоас позянлун висьтавлыны бур юӧрсӧ аслад районса Иеговалӧн Висьталысьяслӧн собраниекӧд ӧтлаын. Тайӧ зэв тӧдчана тшупӧд христианскӧй туй вылын (Матвейсянь 24:14). Кутшӧм нимкодь, кор верман отсавны кодлыкӧ лоны Иеговалӧн служитысьӧн да босьтны помасьтӧм олӧм! (1 Фессалоникӧ 2:19, 20).