Ен корӧ тэнӧ лоны сылы ёртӧн

Енмыс кӧсйӧ, медым тэ лоин сылы ёртӧн. Мӧвпалін-ӧ тэ коркӧ сы йылысь, мый тэ верман лоны ёртӧн сылы, коді медся ыджыд Вселеннӧяс? Авраамӧс, коді ёна важӧн овліс, вӧлі шуӧма Енлӧн ёртӧн (Яковлӧн 2:23). Мукӧд йӧз, кодъяс йылысь висьталӧ Библия, сідзжӧ радлісны Енкӧд ёртасьӧмысь да уна бурсиӧм сыысь босьтісны. Талун му пасьталаыс йӧзыс лоӧны Енлы ёртъясӧн. Тэ сідзжӧ верман лоны ёртӧн Енлы.

Морткӧд ёртасьӧм дорысь бурджык лоны Енлы ёртӧн. Аслас вернӧй ёртъяслысь Ен некор сьӧлӧмсӧ оз жугыльт (Псалом 17:26, Г. П. Павскийлӧн вуджӧдӧм). Бурджык лоны Енлы ёртӧн, а не озырӧн. Кор озыр морт кулӧ, сылӧн сьӧмыс кольӧ мукӧдлы. Но налӧн, кодъяс ёртасьӧны Енкӧд, эм ыджыд озырлун, кодӧс некод оз вермы мырддьыны (Матвейсянь 6:19).

Кодсюрӧ вермасны видлыны торкны тэныд тӧдмасьны Енкӧд. На пиысь вермасны лоны весиг тэнад ёртъясыд либӧ рӧдвужыд (Матвейсянь 10:36, 37). Кодкӧ кӧ сералӧ тэ вылын либӧ повзьӧдлӧ, юав ассьыд: кодлы ме кӧсъя бурӧн лоны — йӧзлы али Енлы? Мӧвпышт со мый йылысь: кодкӧ кӧ тшӧктас тэнӧ сёйтӧг овны, кывзысян он тэ сылысь? Он, дерт! Тэныд колӧ сёян, медым овны. Но Ен вермӧ вӧчны сідзи, мый тэ кутан овны помтӧг! Та вӧсна некор эн лэдз некодлы торкны тэныд тӧдмавны сы йылысь, кыдзи тэ верман лоны Енлы ёртӧн (Иоансянь 17:3).