Ен — сійӧ медся бур ёрт

Лоны Енлы ёртӧн — тайӧ медся бур, мый позьӧ тэныд сины. Ен велӧдас тэнӧ, кыдзи лоны шуда мортӧн да шогсьытӧг овны. Сійӧ мездас тэнӧ ылӧдлан религияса велӧдӧмъясысь да омӧльтор вӧчӧмысь. Сійӧ кутас кывзыны тэнсьыд юрбитӧмтӧ. Сійӧ отсалас тэныд, медым сьӧлӧмад лоис чӧв-лӧнь да эн пов аскиа лунсьыс (Псалом 70:5; 72:28). Ен отсалас тэныд сьӧкыдлунъяс дырйи (Псалом 17:19). Сідзжӧ Ен вӧзйӧ тэныд козин — помасьтӧм олӧм (Римсалы 6:23).

Енкӧд тӧдмасигӧн тэ тӧдмасян Енлӧн ёртъяскӧд. Найӧ лоӧны и тэнад ёртъясӧн. Найӧ весиг лоӧны тэныд вокъяс да чойяс кодьӧн. Найӧ радӧсь лоӧны велӧдны тэнӧ Ен йылысь да отсавны тэныд.

Ми Енкӧд абу ӧткодьӧсь. Кор тэ корсян Енкӧд ёртасьӧм, тэныд колӧ гӧгӧрвоны ӧти колана збыльтор. Енкӧд ёртасьӧм — тайӧ абу кык ӧткодь костын ёртасьӧм. Сійӧ ёна ыджыдджык, мывкыдаджык да вынаджык миянысь. Сылӧн эм право лоны миянлы Веськӧдлысьӧн. Сы вӧсна, кӧсъям кӧ ми лоны сылы ёртъясӧн, миянлы быть колӧ кывзысьны сылысь да вӧчны, мый сійӧ миянлы висьталӧ. Тайӧ пыр лоас миянлы бур вылӧ (Исайя 48:18).