Тэныд колӧ тӧдмавны ен йылысь

Медым лоны Енлы ёртӧн, тэныд колӧ тӧдмавны сы йылысь. Тӧдӧны оз тэнсьыд нимтӧ тэнад ёртъясыд да шыӧдчӧны оз найӧ тэ дінӧ нимнад? Да. Енмыс сідзжӧ кӧсйӧ, медым тэ тӧдін сылысь нимсӧ да шуин сійӧс нимнас. Енлӧн нимыс — Иегова (Петӧм 15:3; Матвейсянь 6:9). Сы кындзи тэныд колӧ тӧдмавны, мый сылы кажитчӧ, а мый — оз. Тэныд колӧ тӧдмавны, коді сылӧн ёртъясыс, а коді — паныд мунысьясыс. Медым тӧдмавны кодӧскӧ, колӧ кад. Библияын гижӧма, мый лоӧ бур, торйӧдам кӧ кад, медым тӧдмасьны Иеговакӧд (Ефесӧ 5:15, 16).

Енлӧн ёртъяс вӧчӧны сійӧс, мый сійӧ радейтӧ. Мӧвпалышт аслад ёртъяс йылысь. Омӧля кӧ кутан накӧд овны да вӧчны сійӧс, мый налы оз кажитчы, колясны-ӧ найӧ тэныд ёртъясӧн? Дерт, оз! Кӧсъян кӧ тэ лоны Енлы ёртӧн, тэныд тшӧтш колӧ вӧчны, мый сійӧ радейтӧ (Иоансянь 4:24).

Оз став религияыс вайӧд Енкӧд ёртасьӧмӧ. Енлӧн медся матысса ёртыс — Исус — висьталіс кык туй йылысь. ӧти туйыс — паськыд, да сы вылын уна йӧз. Тайӧ туйыс нуӧдӧ пӧгибӧ. Мӧд туйыс — векньыд, да сӧмын этшаӧн мунӧны сы кузя. Тайӧ туйыс нуӧдӧ помасьтӧм олӧмӧ. Сідзкӧ, кӧсъян кӧ тэ лоны Енлы ёртӧн, тэныд быть колӧ тӧдмавны, кыдзи веськыда служитны сылы (Матвейсянь 7:13, 14).