Юцр Царство йылысь № 37
Юӧр став мирлы!
Регыд воас пом ылӧдлана религиялы!
▪ Мый сійӧ ылӧдлана религияыс?
▪ Кор сылы воас пом?
▪ Кыдзи тайӧ инмас тэныд?
Мый сійӧ ылӧдлана религияыс?
Шогӧдӧ оз тэнӧ религия вӧсна уна пӧлӧс мыж вӧчӧмыс? Дӧзмӧдӧ оз тэнӧ, мый оз правильнӧя вӧчны найӧ, кодъяс лӧсьӧдчӧны лоны Енлы служитысьясӧн, но пестӧны войнаяс, терроризм да коррупция? Мыйла уна лёкыс петӧ религиясянь?
Помкаыс абу став религияас, а ылӧдлана религияын. Исус Кристос, кодӧс уналаын пыдди пуктӧны Енлы эскысьяс, шуліс, мый ылӧдлана религия ыззьӧдӧ йӧзсӧ лёк вӧчӧм вылӧ сідзжӧ, кыдзи «сісь пу вайӧ сісь вотӧс» (Матвейсянь 7:15—17). Кутшӧм вотӧс вайӧ ылӧдлана религия?
Ылӧдлана религия:
◼ СЮЙСЬӦ ВОЙНАЯСӦ ДА ПОЛИТИКАӦ: Эйшауик (Asiaweek) журнал гижӧ: «Став Азияын, кыдзи и мукӧдлаын, власьт дорӧ тшыг водзмӧстчысьяс быдногыс пӧрйӧдлӧны Енлы эскысь йӧзӧс, медым пӧртны олӧмӧ ассьыныс могъяссӧ. Кывкӧртӧд вӧчигмоз журнал ӧлӧдӧ: «Мирыс вермас йӧймыны». США-са нималана религиознӧй водзмӧстчысь шуис: «Медым сувтӧдны вийсьӧмсӧ, тіянлы колӧ вины террористъясӧс, кытчӧдз найӧ эз вины тіянӧс». Кутшӧм сылӧн кывкӧртӧдыс? «Ен нимӧн виӧй став террористсӧ». Ен Кывйын висьтавсьӧ: «Коді шуӧ: Енмыд меным муса, а воксӧ ассьыс мустӧмтӧ, сійӧ пӧръясьӧ, ӧд коді ассьыс воксӧ мустӧмтӧ, кодӧс аддзӧ, кыдзи нӧ вермас лоны сылы Енмыс мусанас, кодӧс оз аддзы?» (1 Иоансянь 4:20). Исус Кристос весиг шуліс: «Радейтӧй ассьыныд вӧрӧгъястӧ» (Матвейсянь 5:44). А кутшӧм религия да сэтчӧ пырысьяс оз участвуйтны войнаясын?
◼ ПАСЬКӦДӦ ЫЛӦДЛАНА ВЕЛӦДӦМЪЯС: Унджык религияыс велӧдӧ, мый кулӧм бӧрын мортлӧн кольӧ овны душа. Татшӧм велӧдӧмсьыс религиознӧй служитысьяс босьтӧны сьӧм, медым юрбитны кулӧм душа вӧсна. Но Енлӧн Кывйыс та йылысь висьталӧ мӧд ног: «Мыжсӧ вӧчысь лов — сійӧ кулӧ» (Иезекиль 18:4). «Ловъяяс тӧдӧны, мый кулӧны, кулӧмъяс нинӧм оз тӧдны да налы абу нин мынтысьӧмыс, сы вӧсна мый на йылысь весиг казьтылӧмсӧ вунӧдӧма» (Екклесиаст 9:5) Исус велӧдіс, мый кулӧмаясыс ловзясны — но йӧзыслӧн кӧ душаыс оз кув, мыйла сійӧс ловзьӧдны (Иоансянь 11:11—25). Велӧдӧ оз тэнад религия, мый душаыс оз кув?
◼ ОЗ ВОДЗСАСЬ ЛЁКНОГА ЛЮБИТЧӦМЛЫ (СЕКСУАЛЬНӦЙ БЕЗНРАВСТВЕННОСТЬЛЫ): Рытыввыв странаясын гомосексуалистъяс лоӧны религиознӧй служитысьясӧн да корӧны, медым правительство вынсьӧдіс гомосексуалистъяслысь гӧтрасьӧм. Весиг сійӧ вичкоясыс, кодъяс дивитісны сексуальнӧй безнравственность, лэдзисны религиознӧй служитысьясӧс мырдӧнавны челядьӧс. Но мый велӧдӧ Библия? Сэні ясыда висьтавсьӧ: «Ті ӧмӧй онӧ тӧдӧй, мый лёкног олысьяс Енлӧн Помасьтӧм Олӧмӧ оз воны: Энӧ ылалӧй, мый гозъя кост торкысьяс, гуся пеж вӧчысьяс, идоллы юрбитысьяс, лёкноглюбитчысьяс, войтырӧводысьяс, гусясьысьяс, деньга вылӧ горшасьысьяс, кодалысьяс, лёкӧдысьяс, мырдӧналысьяс, мырддялысьяс — Енлӧн Помасьтӧм Олӧмын оз лоны» (1 Коринфӧ 6:9, 10). Тӧдан-ӧ тэ сэтшӧм религия, коді спокойнӧя видзӧдӧ лёкнога любитчысьяс вылӧ?
Мый лоӧ водзӧ вылӧ религияяскӧд, кодъяс вайӧны сісь вотӧс? Исус ӧлӧдіс: «Быд пу, коді оз вай бур вотӧс, кералӧны да шыблалӧны биӧ» (Матвейсянь 7:19). Да, ылӧдлана религиясӧ лоӧ кералӧма да бырӧдӧма! Но кор да кыдзи тайӧ лоӧ? Енмыс петкӧдлӧ та йылысь Иоанлы Восьтӧм небӧгын 17 да 18 юкӧнъясын.
Кор ылӧдлана религиялы воас пом?
Син водзаныд вайӧдӧй татшӧм серпас. Лёк оласнога нывбаба пукалӧ повзьӧдчана зверь вылын. Зверыслӧн сизим юр да дас сюр (Иоанлы Восьтӧм 17:1—4). Кодӧс петкӧдлӧ лёк оласнога нывбабаыс? Сійӧ влияйтӧ «ставмирса царьяс вылӧ». Сійӧ пасьтасьӧма гӧрдӧ, вӧдитчӧ фимиамӧн да зэв озыр. Сэк жӧ кимӧститчӧмӧн «став йӧзсӧ тӧлксьыс воштӧ» (Иоанлы Восьтӧм 17:18; 18:12, 13, 23). Библия восьтӧ миянлы, мый лёк оласнога нывбабанас лоӧ ставмирса религия. Сійӧ петкӧдлӧ оз ӧти религияӧс, а став религиясӧ, кодъяс вайӧны сісь вотӧсъяс.
Зверь, код вылын верзьӧмӧн пукалӧ лёк оласнога нывбаба, лоӧны политическӧй власьтъяс (Иоанлы Восьтӧм 17:10—13). Ылӧдлана религия пукалӧ политическӧй зверьлӧн мыш вылас, влияйтӧ сылӧн кывкӧртӧдъяс вылӧ да зільӧ веськӧдлыны сыӧн.
Но регыд лоӧ шензьӧданатор. «А дас сюрыс, кодъясӧс тэ аддзылін зверыс вылысь, найӧ мустӧмтасны лёкноглюбитчысьсӧ да сійӧс куштасны да пасьтӧгыс пӧрччӧдасны да сылысь яйсӧ сёясны да сійӧс сотасны биын» (Иоанлы Восьтӧм 17:16). Нем виччысьтӧг политическӧй вынъяс уськӧдчасны ылӧдлана религия вылӧ да дзикӧдз бырӧдасны сійӧс! Мый ышӧдас тайӧс вӧчнысӧ? Иоанлы Восьтӧм небӧгын висьтавсьӧ: «Сы вӧсна мый Ен пуктіс налӧн сьӧлӧмъяс вылӧ вӧчны сылӧн кӧсйӧмыс серти, медым вӧчисны кӧсйӧмсӧ ӧти мӧвпъясӧн да сетны царствонысӧ зверыслы, кытчӧдз оз инны Енлӧн кывъясыс» (Иоанлы Восьтӧм 17:17). Да, Енмыс ылӧдлана религиясӧ кыскас кывкутӧмӧ став омӧльторсьыс, кодӧс сійӧ вӧчліс Ен нимсянь. Ставсӧ веськыда вӧчӧмӧн Енмыс кутас вӧдитчыны сылӧн политическӧй любовникъясӧн аслас инструментӧн моз.
Мый тэныд колӧ вӧчны, он кӧ кӧсйы юкны ылӧдлана религиякӧд помсӧ? «Сэки ме кылі енэжсянь мӧдпӧлӧс висьталысь шы: петӧй сы дінысь, менам йӧз, медым ті энӧ лоӧй сыкӧд ӧтвыв мыжъясас да энӧ шедӧй сылӧн дойяс улӧ» (Иоанлы Восьтӧм 18:4). Да, ӧні кад пышйыны ылӧдлана религияысь! Но кытчӧ тэ верман пышйыны? Сӧмын эн Енлы эскытӧмъяс дорӧ, сы вӧсна мый налӧн аскиалуныс абу (2 Фессалоникӧ 1:6—9). Дзик ӧти пышъянін — тайӧ збыль религия. Кыдзи тэ верман тӧдмавны збыль религиясӧ?
Кыдзи аддзыны збыль религия?
Кутшӧм бур вотӧс колӧ вайны збыль религиялы? (Матвейсянь 7:17).
Збыль религия:
◼ ВӦЧӦ РАДЕЙТӦМӦН: Збыль веруйтысьяс «абу тайӧ мирсьыс», найӧ оз юксьыны национальносьт да культура серти да «ас костаныс эм муслун» (Иоансянь 13:35; 17:16; Уджъяс 10:34, 35). Ӧта-мӧдсӧ виӧм дорысь найӧ бурджык куласны ӧта-мӧд вӧснаыс (1 Иоансянь 3:16).
◼ ЭСКӦ ЕНЛӦН КЫВЛЫ: Збыль религия подуласьӧ Ен Кыв, Библия вылӧ, а оз велӧд «традицияяс» либӧ «йӧзлӧн висьтасьӧмъяс» (Матвейсянь 15:6—9). Мыйла? Сы вӧсна, мый «став Гижӧдыс Енлӧн ловсянь колана Бурсетӧмас велӧдчӧм вылӧ, ӧлӧдӧм вылӧ, веськӧдӧм вылӧ, буроласногӧ индӧм вылӧ» (2 Тимофейлы 3:16).
◼ ЁНМӦДӦ СЕМЬЯЯС ДА КУТӦ БУР ОЛАСНОГ: Збыль религия велӧдӧ верӧсъясӧс «радейтны гӧтыръяссӧ ассьыныс вир-яйсӧ моз», отсалӧ гӧтыръяслы «пыдди пуктыны ассьыныс верӧсъяссӧ», а челядьӧс «кывзыны бать-мамсӧ» ( Ефесӧ 5:28, 33; 6:1). Та вӧсна кывкутысьыслы колӧ лоны прамӧй мортӧн (1 Тимофейлы 3:1—10).
Тайӧ стандартыслы лӧсялӧ оз кутшӧмкӧ религия? 2001 воын йӧзӧдӧм «Холокостлӧн политика» небӧгын висьтавсьӧ: «Унджык йӧзыс кӧ вӧчисны сідзи, кыдзи велӧдӧны да вӧчӧны Иеговалӧн Висьталысьяс, Холокостыс эськӧ эз вӧв да геноцидыс эз бырӧд мирсӧ».
Да, 235 странаын территорияын Иеговалӧн Висьталысьяс оз сӧмын проповедуйтны Енлысь Кывсӧ, но и олӧны сідзи, кыдзи сэні висьтавсьӧ. Ми ышӧдам тіянӧс шыӧдчыны Иеговалӧн Висьталысьяс дорӧ, медым тіянлы отсаласны тӧдмавны, мый тіянлы тшӧктӧ Ен, медым верминныд служитны сылы колана ногӧн. Ӧні кадыс действуйтны. Эн сёрмӧдчӧй. Ылӧдлана религиялӧн помыс матын! (Софония 2:2, 3).
Кӧсъянныд кӧ ті унджык тӧдмавны, мыйӧ велӧдӧ Енлӧн Кывйыс, пӧжалуйста, эн яндысьӧй шыӧдчыны Иеговалӧн Висьталысьяс дорӧ улынджык вайӧдӧм ӧти адрес кузя:
□ Кора ыстыны меным «Мый тшӧктӧ миянлы Ен?» брошюра
□ Ме кӧсъя дон босьттӧг велӧдны Енлысь Кывсӧ
[Вставка, страница 3]
Ылӧдлана религия властвуйтӧ «мувывса царьяс вылын»
[Вставка, страница 3]
«Петӧй сы дінысь, менам йӧз»