Кутшӧм лоӧ водзӧ олӧмыс?

МЫЙ ВИСЬТАЛӦ БИБЛИЯ

«Сэки Ен чышкас быд пӧлӧс синва налӧн синъясысь да оз нин ло кулӧмыс, ни бӧрдӧмыс, ни ойзӧмыс, ни висьӧмыс оз нин ло, сы вӧсна мый важсяыс быри» (Иоанлы восьтӧм 21:4, Библия коми кыв вылын).

МЫЙ ТАЙӦ ВЕРМАС СЕТНЫ ТІЯНЛЫ

Бур да сьӧлӧм вылӧ воан удж (Исаия 65:21—23).

Оз ло висьӧм, шог да мучитчӧм (Исаия 25:8; 33:24).

Помтӧм шуда олӧм семьякӧд да ёртъяскӧд (Псалом 36:11, 29).

ПОЗЬӦ-Ӧ ЭСКЫНЫ СЫЛЫ, МЫЙ ВИСЬТАЛӦ БИБЛИЯ?

Позьӧ, и та вылӧ эм кык помка:

• Ен вермас пӧртны олӧмӧ кӧсйысьӧмсӧ. Библияыс сӧмын Иегова Енмӧс шуӧ «Ставсӧвермысьӧн», сы вӧсна мый сылӧн выныс помтӧм (Олӧм 17:1). Сідзкӧ, сылӧн эм вын вежны олӧмсӧ бурланьӧ, кыдзи и кӧсйысис. Библияас гижӧма, мый «Енлы ставыс вермана» (Матвейсянь 19:26).

• Енлы окота пӧртны олӧмӧ кӧсйысьӧмсӧ. Пример вылӧ, Иегова зэв ёна кӧсйӧ ловзьӧдны кулӧмаясӧс, сы вӧсна мый сійӧ гажтӧмтчӧ наысь (Иов 14:14, 15).

  Таысь ӧтдор, Библия петкӧдлӧ, мый Исус Христос, Енлӧн пиыс, бурдӧдіс йӧзсӧ висьӧмъясысь. Эз кӧ кӧсйы, мӧдіс-ӧ сійӧ отсавны налы? (Марксянь 1:40, 41). Исус, кыдзи и сылӧн Батьыс, зэв ёна окотитіс отсавны мучитчысь йӧзлы (Иоансянь 14:9).

  Оз ков майшасьны, мый Иегова да Исус козьналасны миянлы шуда олӧм! (Псалом 71:12—14; 144:16; Петырлӧн 2 гижӧд 3:9).