Masalamo
Kwi ntangi; kwimba pa “Jiluba ja Kuvulukilako.” Mikitama.* Salamo wa Davida. Wa kufunjisha. Kimye kyo alwile ne Alama-Nahalaimi ne Alama-Zoba, ne Yoaba byo abwelele ne kwipaya bena Edomu 12,000 mu Musanza wa Mukele.+
60 Anweba Lesa, mwitukaine; mwashinjile mazhita etu.+
Mwituzhingijile; pano bino tubwezhai!
2 Mwalengejile ntanda kusunkena; mwiyasamikile.
Shinkai mu milala yayo, mambo ibena kupona.
3 Mwalengejile bantu benu kupita mu makatazho.
Mwitutomeshe binyu bitulengejile kubalangila.+
4 Panai* kayukilo ku boba bemwakamwa
Pa kuba’mba banyeme ne kuleya buta bwa mukanda. (Selah)
5 Pa kuba’mba aba bo mwatemwa bapuluke,
Tupulushai na kuboko kwenu kwa kilujo ne kwitukumbula.+
6 Lesa waamba mu buzhile bwanji* amba:
7 Mpunzha ya Gileada ne ya Manase+ yo yami,
Ne Efelaimu ye kampompo* ka ku mutwe wami;
Yuda yo ndondo ya kalama wami.+
8 Moabu ye shomeka wami wa kowelamo.+
Nkataya nkwabilo yami pe Edomu.+
Nkabijikanga na lusekelo pa kushinda Filishitiya.”+
9 Ñanyi ukandeta mu muzhi ye bazhokoloka?*
Ñanyi ukantwala ku Edomu?+
10 Nanchi kechi anweba Lesa, yenka witukaine,
Lesa wetu, yenka waleka kukwasha nzhita yetu nenyi?+
11 Tukwashai mu bya malwa byetu,
Mambo kuketekela bantu kwitupulusha ko kwatu.+