Lwimbo wa Solomone

3 “Byo najinga pa mwanya wami bufuku,

Nalangulukilengatu pa yewa ye natemwa.*+

 2 Naambile namba, nsakupitañana mu muzhi;

Mu mikwakwa ne mu mabanza,

Na kukebakeba yewa ye natemwa.*

 4 Byo nebapitayijile

Namutaaine awa ye natemwa.*

Namukwachile, kabiji kechi namulekele namba ayenga ne

Kufikatu ne byo namuletele mu nzubo ya bamama,+

Mu kibamba kya mukachi kya mu nzubo ya bamama bonka bansemene.

 5 Anweba banabakazhi ba mu Yelusalema, nemuchipisha,

Na balupaala ne bansebula ba mungye namba:

 6 “Nanchi ki ka kye kibena kwiya kufuma mu kiselebwa nobe mumbulungwa wa bwishi,

Kyo basansako manyi a mola ne bintu binunka bulongo,

Ne bintu byonse bya bungabunga binunka bulongo bipotesha mupoteshi?”+

Bamuzhokoloka ku banabalume makumi atanu na umo,

Babiyangala ba bena Isalela,+

 8 Bonse baji na mapoko,

Bonse bebafunjisha bya kulwa nkondo,

Bonse pa muntu pa muntu balama mapoko

A kwizhikijilako ku bintu bilengesha moyo bufuku.”

 9 “Mfumu Solomone wilengejile makila*

Na bichi bya ku Lebanoni.+

10 Mashiki wialengele na siliva,

Pa kushakamina pajinga pa ngolode.

Pa kipona kyanji basonejilepo kisapi kyachiluluka kya boya bwa mukooko;

Mukachi bawamishemo bulongo

Ku banabakazhi ba mu Yelusalema.”

11 “Anweba banabakazhi ba mu Ziona, lupukai,

Mumone Mfumu Solomone

Wavwala munchinya* wa masongola wamusonejile bainanji+

Pa juba ja masongola anji,

Jo juba jo aji bingi na lusekelo.”