Nkalata Itanshi ku Bena Kolinda

5 Kyaumvwanyika amba mwi anweba muji bulalelale,*+ buno bulalelale* bukyangye kubiwapo mu ba mu bisaka bya bantu, kya kuba’mba muntu umo ubena kwikala* na ba muka bashanji.+ 2 Nanchi mwatemwa kino nyi? Nanchi kechi mwafwainwa kujila+ ne kumupanga mwi anweba awo muntu walenga ano mambo nenyi?+ 3 Nangwa kya kuba mfwako, bino mu mupashi nji nenu, kabiji namuchibila kala mambo awo muntu walenga ano mambo, uba nobe nji nenu. 4 Umvwe mwakonkana pamo mu jizhina ja Nkambo yetu Yesu, ne kuyuka’mba nji nenu mu mupashi pamo na bulume bwa Nkambo yetu Yesu, 5 mwafwainwa kupana muntu wa uno mutundu kwi Satana+ kuba’mba monaune mubiji wanji, pa kuba’mba mupashi akapuluke mu juba ja Nkambo.+

6 Bwitote bwenu kechi bwawama ne. Nanchi kechi mwayuka’mba tumbizho tucheche tututumusha muvuba yense nenyi?+ 7 Fumyaimo mbizho ya kala kuba’mba mwikale muvuba wa katataka, byonka byo muji babula mbizho.* Mambo Kilishitu Kijiilo kyetu kya Lupitailo,+ walambwilwe.+ 8 Onkao mambo, twayai tulamenga kijiilo+ kechi kya mbizho ya kala ne, nangwa na mbizho ya byatama ne bubi ne, poso na shinkwa wabula mbizho wawama kabiji wa bukine.

9 Mu nkalata yami nemunembejile namba, mwikileke kupwanañana na bantu boba bulalelale,* 10 kechi kibena kulumbulula’mba na bantu boba bulalelale* ba pano pa ntanda,+ balunkumbwa, baja bya lunkanankana nangwa bapopwela bankishi ne. Mambo umvwe kyajinga bino, inge mwafumapo pano pa ntanda.+ 11 Bino nemunembela namba, mwikileke kupwanañana+ na muntu yense utelwa’mba mulongo bino saka oba bulalelale,* nangwa wa lunkumbwa,+ nangwa upopwela bankishi, nangwa utukana,* nangwa upendwapendwa,+ nangwa uja bya lunkanankana,+ muntu wa uno mutundu kechi mwafwainwa ne kuja nanji ne. 12 Nanchi amiwa nafwainwa kuchibila mambo ba pangye nyi? Nanchi anweba kechi muchibila mambo aba baji mu kipwilo, 13 pakuba Lesa uchibila mambo ba pangye nenyi?+ “Fumyai yewo muntu mubi mukachi kenu.”+