• Isaya 46:6, 7
    Baibolo wa Binembelo bya Ntanda Ipya

    •  6 Kuji boba basukumuna ngolode kufuma mu mafukuta abo;

      Bapima siliva pa shikelu.

      Bambila sendwe wa byela kuba’mba ebibunde kwikala lesa.+

      Kepo abo bamufukamina ne kumupopwela.*+

       7 Bamusendela pa bipuzhi byabo;+

      Bamushikula ne kumubika pa mpunzha yanji, kabiji wimanatu ponkapo.

      Aye kechi ufuma po bamubika ne.+

      Bamujijila, bino aye kechi wibakumbula ne;

      Aye kechi wakonsha kupokolola muntu nangwa umo mu bya malwa ne.+