14 Byo afikile ku kitulu, wamwene jibumba jikatampe, wibobijile lusa,+ kabiji wabukile bakolwa babo.+ 15 Pa kufika mabanga, baana banji ba bwanga baishile ne kumwambila’mba: “Kuno ku mpunzha ko tuji kwalepa kabiji bwaila kala; ambilai mabumba abwele, kuba’mba baye mu mizhi na kwipotela kajo.”+ 16 Pakuba Yesu wibambijile’mba: “Kechi bafwainwa kuya ne; bapai kajo.” 17 Abo bamwambijile’mba: “Atweba tujitu na bashinkwa batanu ne masabi abiji kwapwa.”

35 Pa kulemba juba, baana banji ba bwanga baishile kwi aye ne kumwambila’mba: “Kuno ku mpunzha ko tuji kwalepa kabiji bwaila kala.+ 36 Bambilai amba baye mu mande ne mu mizhi na kwipotela bene kajo.”+ 37 Aye wibambijile’mba: “Bapai kajo baje.” Abo bamwambijile’mba: “Nanchi tuye na kupota bashinkwa na mandenali* 200 ne kwibapana ku bantu amba baje nyi?”+ 38 Aye wibashikishe’mba: “Nanchi muji na bashinkwa banga? Yainga mukamone!” Byo bamwene, baambile’mba: “Tuji na bashinkwa batanu ne masabi abiji.”+

12 Juba jayilenga na kuzhika. Batumwa Jikumi na Babiji baishile ne kumwambila’mba: “Ambilai jibumba kuba’mba jiye mu mizhi ne mu mapunzha a pepi, bakamone pa kulaala ne kajo, mambo kuno ku mpunzha ko tuji kwalepa.”+ 13 Pakuba aye wibambijile’mba: “Bapai kajo baje.”+ Abo bamwambijile’mba: “Atweba tujitu na bashinkwa batanu ne masabi abiji, kana atweba bene tuye na kupota kajo ka kupa bano bantu bonse.”