Yoba
34 Kepo Elihu atwajijile kwamba’mba:
2 “Umvwai byambo byami, anweba bantu ba maana;
Ntelekai, anweba mwayuka byavula.
3 Mambo kutwi kupima byambo
Byonkatu lujimi* byo atompa kajo.
4 Twayai twipimine atweba bene kintu kyaoloka;
Twayai twifuukwile atweba bene kintu kyawama.
6 Nanchi nakonsha kubepa pa kuba’mba banchibile bulongo mambo ami nyi?
Kilonda kyami kechi kipwa ne, nangwa kya kuba kechi nalenga mambo ne.’+
7 Ñanyi muntu uji pamo nobe Yoba,
Utoma myendeleko nobe mema?
8 Umvwañana na bantu boba byatama
Ne kupwañana na bantu babi.+
9 Mambo aye waamba’mba, ‘Muntu kechi umwenamo kintu
Mu kutokesha Lesa ku muchima ne.’+
10 Onkao mambo, ntelekai anweba bantu ba milangwe:*
11 Mambo aye ukafweta muntu monka mwayila bintu byo oba+
Ne kumuswisha kupita mu bintu bifuma mu byo oba.
13 Ñanyi wamupele luusa lwa pa ntanda,
Kabiji ñanyi wamutongwele kulama pano pa ntanda ponse?*
14 Umvwe wibazanza meso,*
Umvwe wibangata mupashi wabo ne muya,+
15 Bantu bonse bakonsha kufwa,
Kabiji bantu bakonsha kubwela ku lukungu.+
16 Byonkabyo, umvwe muji na milangwe, teshai muchima ku kino;
Telekeshai ku byo mbena kwamba.
17 Nanchi muntu washikwa bunchibamambo bwaoloka wakonsha kulama bantu nyi?
Nangwa abya mwakonsha kuzhachisha muntu waoloka uji na luusa nyi?
18 Nanchi mwakonsha kwambila mfumu amba, ‘Mwi batutu,’
Nangwa babinemanga amba, ‘Mwi babi’ nyi?+
19 Lesa kechi uba misalululo ku babitumbafumu ne
Kabiji kechi ubila bibusa banonshi kukila bayanji ne,*+
Mambo bonse yo mingilo ya maboko anji.+
20 Bakonsha kufwa kya kubazhimukilatu+ pakachi ka bufuku;+
Basuluba bingi ne kufwa;
Nangwatu babilobo bebafumyapo, bino kechi na maboko a bantu ne.+
21 Mambo meso a Lesa amona mashinda a muntu,+
Kabiji aye umona ponse po anyanta.
23 Mambo Lesa kechi watongwela muntu kimye
Kya kwiya kwi aye na kumuchibila mambo ne.
24 Aye uchimauna babilobo kwa kwabula kwibatotolwesha
Ne kupingizhapo bantu bangi pa bifulo byabo.+
26 Wibapuma na mambo a bubi bwabo,
Wibapumina pa mpunzha po bakonsha kwibamona ku bantu bonse,+
27 Mambo baleka kumulondela+
Kabiji mashinda anji onse kechi beanemeka ne;+
28 Balengela bayanji kumujijila,
Kya kuba aye umvwa kujila kwa bantu babula wa kwibakwasha.+
29 Umvwe Lesa wazhindamapo, ñanyi wakonsha kumuzhachisha?
Umvwe wafya kilungi kyanji, ñanyi wakonsha kumumona?
Kyo kimotu nangwa ku kisaka kya bantu nangwa ku muntu,
30 Pa kuba’mba muntu ubula kwakamwa* Lesa abule kulama+
Nangwa kuta bantu bitewa.
31 Nanchi muntu wakonsha kwambila Lesa amba,
‘Mwammanyika, nangwa kya kuba kafwako mambo o nalenga;+
32 Mfunjishai kintu kyo nabula kumona;
Umvwe nauba kintu kyatama, kechi nkabwezhapo kwikyuba nenyi’?
33 Nanchi aye wakonsha kwimufweta monka mo mukebela byo mwakana bunchibamambo bwanji nyi?
Anwe bene mwafwainwa kufuukulapo, kechi amiwa ne.
Pano mbuulai bintu byo mwayukisha.
34 Bantu ba milangwe* bakañambila’mba
—Ne muntu wa maana yense uñumvwa—
35 ‘Yoba wambatu kwa kubula kuyuka,+
Ne mu byambo byanji kechi muji maana ne.’
36 Yoba bamweseke* kyabaya bingi
Mambo ubena kwambatu nobe bantu babi!