Yoba
36 Elihu watwajijile kwamba’mba:
2 “Akintekenyai kakimye kacheche byo nsakulumbululanga,
Mambo nkiji na byambo bya kumwambilako Lesa.
3 Nsakwamba bulongo bintu byo nayuka,
Kabiji nsakwamba namba bololoke bo bwa Mulenga wami.+
4 Kine byambo byami kechi bya bubela ne;
Aye walumbuluka mu kuyuka+ bintu byonse, ubena kwimumona.
5 Kine, Lesa ye wa bulume+ kabiji kechi ukana muntu nangwa umo ne;
Aye uji na bulume* bwa kuyuka bintu.
6 Aye kechi ukaleka babi kwikala na bumi ne,+
Bino aba babena kumanama wibachibila mambo mo aolokela.+
7 Kechi ufumya meso anji pa bantu baoloka ne;+
Aye wibekajika pa jitanda pamo na bamfumu*+ ne kwibatumbijika myaka ne myaka.
8 Pakuba umvwe bebakasa mashimbi
Ne kufwa mu mizhinge ya lumanamo,
9 Aye wibasolwela bintu byo baubile,
Mizhilulwila yabo yafumine mu bwitote bwabo.
10 Aye ushinkula matwi abo kuba’mba ebololeko
Kabiji wibabuula kuleka kuba bintu byatama.+
11 Umvwe bamukookela ne kumwingijila,
Bakekala bulongo moba abo onse,
Ne myaka yabo ikekala ya lusekelo.+
13 Bantu babula kwakamwa* Lesa bakamuzhingijila.
Kechi bakeba bukwasho kwi aye nangwa kya kuba wibakasa ne.
Kabiji bakafwila pamo na banabalume belaalanga na banabalume bakwabo ku nzubo ya Lesa.+
15 Bino Lesa* upokolola bantu babena kumanama;
Ushinkula matwi abo kimye kyo bebamanyika.
16 Aye wimufumya mu bya malwa+
Ne kwimuleta mu mpunzha yabaya mwabula kufinankana,+
Muji kajo kavula pa tebulu wenu ka kwimutekenesha.+
17 Kepo mukatondwa na byo bakachibila mambo babi,+
Kimye kyo bakachiba mambo ne kwiachibila monka mo aolokela.
18 Bino jimukai kuchina’mba bukaji bwakemulengela kuba bintu byatama,*+
Kabiji kange muleke mazhikakanwa emutwale mungi ne.
19 Nanchi kujila kwenu kwa kukeba bukwasho
Nangwa kwibikako kwenu kukemufumya mu lumanamo nyi?+
20 Kange mukebeshe bufuku,
Kimye bantu kyo bafuma mu mapunzha abo ne.
21 Jimukai kuba’mba mubule kuba bintu byatama,
Musale kino kukila kusalapo lumanamo.+
22 Umvwai! Lesa watumbijikwa mu bulume bwanji;
Ñanyi mufunjishi wakonsha kwesakana pamo ne aye?
25 Bantu bonse beimona,
Bino muntu ufwa wiimwenatu palepa.
Kabiji aluka ke mvula kufuma ku kamfwa wanji;
Kabiji inokela pa bantu.
32 Uvweta kubesha kwa mvula na maboko anji,
Kabiji wikutuma ko abena kukeba.+
33 Kululuma kwanji kwamba pe aye,
Ne banyama ba kulela bayuka ubena kwiya.