Habakuka
1 Ino yo mbila ngauzhi Habakuka* yo aumvwine mu kimwesho:
2 Anweba Yehoba, bimye binga byo nkajila na kukeba bukwasho, ne anweba kumvwa ne?+
Bimye binga byo nkakeba bukwasho na mambo a bukapondo, ne anweba ne kunkwasha ne?*+
3 Mambo ka o mundengela kumona bintu byatama?
Kabiji mambo ka o mwalekelatu bantu na kumanyika bakwabo?
Mambo ka lonaiko ne bukapondo o byaikela ku meso ami?
Kabiji mambo ka lutobo ne malwañano o byavujila?
4 Byonkabyo mizhilo yaleka kwingila,
Ne bunchibamambo bwaoloka kechi babena kwibulondela ne.
Mambo babi bazhokoloka baoloka;
O ene mambo bunchibamambo bwaoloka o bwavulañena.+
5 “Talai mukachi ka bisaka bya bantu ne kutako muchima!
Kumyai ne kwakamwa;
Mambo kuji kintu kikobiwa mu moba enu
Kyo mukabula kuswa nangwa kya kuba bemubuulakyo.+
Bakilañanya mapunzha abaya a pano pa ntanda
Na kwangata mazubo abula abo.+
7 Bazakamisha bantu ne kwibalengesha moyo.
Baji na bunchibamambo bwabo ne luusa* lwabo.+
8 Bambili babo baji na lubilo kukila bisumpa,
Kabiji bashinta kukila misuka mu kimye kya bufuku.+
Bambili babo ba nkondo banyema bingi kuya kulutwe;
Bambili babo bafuma kwalepa.
Beya lubilo nobe mpungu ubena kusuumukila pa kajo.+
9 Bonsetu beya na kuba bya bukapondo.+
Inge bakonkana pamo, bekala nobe mwela wa ku musela,+
Kabiji bawola bazha nobe busenga.
10 Bendeleka bamfumu
Ne kuseka babinemanga.+
Baseka mapunzha onse aji na masakwa akosa;+
Balumbikako milumba ya maloba ne kwiashinda.
11 Kabiji baya kulutwe nobe mwela ne kupita mu kyalo,
Bino bakekala na mambo,+
12 Anweba Yehoba, nanchi kechi yenu mujiko kufumatu ne kala kene nenyi?+
Anweba Lesa wami, Wazhila wami, kechi mufwa* ne.+
13 Meso enu atoka kechi akonsha kutala pa bubi ne,
Kabiji kechi mwakonsha kutalapotu pa bubi ne.+
Pano mambo ka o mutajilapotu pa bakamfutumfutu+
Ne kuzhindamatu inge mubi wamina muntu wamukila koloka?+
14 Mambo ka o mulengela bantu kwikala nobe masabi a mu kalunga ka mema,
Nobe bintu bikalaba panshi byabula kalama?
15 Abino byonse aye* wibiloba na kanda.
Wibikwata mu bukonde bwanji bukatampe,
Kabiji wibikonkanya pamo mu bukonde bwanji.
O ene mambo o asangalela bingi.+
16 O ene mambo o atapishisha bitapisho ku bukonde bwanji bukatampe
Ne kutapisha bitapisho* ku bukonde bwanji;
Mambo byo bilengela kajo kanji kuwama,*
Kabiji kajo kanji kekala kawamisha.
17 Nanchi aye ukatwajijila kwalula bintu mu bukonde* bwanji bukatampe nyi?
Nanchi ukatwajijila kwipaya bisaka bya bantu kwa kubula lusa nyi?+