Buku wa Bubiji wa Samwela
22 Kabiji Davida waambijile Yehoba byambo biji mu uno lwimbo+ mu jonkaja juba Yehoba jo amupokolwele mu maboko a balwanyi banji+ bonse ne mu kuboko kwa kwa Saulo.+ 2 Waambile’mba:
“Yehoba jo jibwe jami jikatampe, yo nsakwa yami yakosa+ kabiji ye umpokolola.+
3 Lesa wami jo jibwe jami,+ mo mo mfyama,
Jikebo jami+ kabiji ye lusengo* wami wa lupulukilo,* kyo kyami kya kufyamamo* kyakosa,+
Kabiji yo mpunzha yami mo nyemena,+ mupulushi wami;+ yenu mumpokolola ku bya bukapondo.
4 Namwita Yehoba, yenka wafwainwa kutotwa,
Kabiji ukampokolola ku balwanyi bami.
7 Byo najinga mu bya malwa namwichile Yehoba,+
Namujijiilenga Lesa wami.
Waumvwine jiwi jami monka mu nzubo ya Lesa,
Kabiji waumvwine kujila kwami kwa kukeba bukwasho.+
8 Ntanda yatendekele kutenkena ne kujikima;+
Bitendekesho bya meulu byajikimine+
Kabiji byatenkenenga mambo bamuzhingijishe bingi.+
9 Bwishi bwafutumukilenga mu myona yanji,
Ne mujilo usokañana walupukilenga mu kanwa kanji;+
Ne makala anyekula afuminenga kwi aye.
11 Waendelenga pa kelubi+ ne kwiya saka atumbuka.
Kabiji wamwekele saka aji pa byapi bya kilengwa kya mupashi.*+
12 Kepo alengejile mfishi yamuzhokolokele kwikala nobe kya kufyamamo,+
Mwajinga makumbi a mvula afinda.
13 Na mambo a kyeya kyanji, makala anyekwile.
16 Panshi ya kalunga ka mema pamwekele;+
Bitendekesho bya ntanda byasolokele byo bebinenene kwi Yehoba,
Na muya washinta wafumine mu myona yanji.+
17 Watanyikile kuboko kufuma mwiulu;
Wankwachile ne kuntuntula mu mukola wazhika.+
18 Wampokolwele ku mulwanyi wami wakosa,+
Ku boba banshikwa bakosele kunkila.
19 Bandukukile mu juba ja bya malwa byami,+
Bino Yehoba wankwashishe.
22 Mambo ñenda mu mashinda a Yehoba,
Kabiji kechi namusha Lesa wami ne, mambo kuba bino ke kintu kyatama.
26 Ku muntu wa kishinka mukekala ba kishinka;+
Ku muntu wabula kaneneno, wa bulume, mukekala babula kaneneno;+
27 Ku muntu watoka mukekala batoka;+
28 Mambo anweba mupulusha boba bepelula,+
Bino aba belundumika kechi mwibata muchima ne, kabiji mwibapelula.+
30 Na bukwasho bwenu nakonsha kushinda nzhita ya balwanyi;
Na bulume bwa Lesa nakonsha kukanjila ku lubumbulu.+
Aye ye jikebo ja bonse bafyama mwi aye.+
32 Nanchi kujipo Lesa mukwabo waesakana ne Yehoba nyi?+
Kabiji ñanyi jibwe wakila Lesa wetu?+
34 Ulengela maulu ami kupeela nobe a lupaala;
Undengela kwimana pa mapunzha a peulu.+
35 Ufunjisha maboko ami bya kulwa nkondo;
Maboko ami akonsha kuvwemuna buta bwa mukanda bwa mukuba.
38 Nkapupila balwanyi bami ne kwibavizha;
Kechi nkabwelamo ne, posotu bakavile.
39 Kabiji nkebavizha ne kwibasansakanya kuba’mba bakabule kwimana;+
Nkebanyantaula na maulu ami.
42 Abo bakeba bukwasho, bino kafwako wa kwibapokololako ne;
Bajijila Yehoba, bino aye kechi wibakumbula ne.+
43 Nkebatwa, bakekaletu nobe lukungu lwa panshi;
Nkebakandakanya ne kwibanyantaula nobe mateshi a mu mikwakwa.
44 Mukampokolola mu milukuchi ya bantu bami.+
Mukandama kuba’mba nkekale mukulumpe wa bisaka bya bantu;+
Bantu bo nabujile kuyuka bakañingijilanga.+
45 Bantu bafuma mu byalo bingi bakeya kwi amiwa saka baji na bumvu;+
Bintu byo bakomvwa pe amiwa, bikebalengela kunkookela.*
46 Bantu ba mu byalo bingi bakazumba;*
Bakeya saka bazakama kufuma mu masakwa abo akosa.
47 Yehoba mumi! Atotwe aye Jibwe jami!+
Lesa jibwe ja lupulukilo lwami, atumbijikwe.+
48 Lesa wa kine anshinkenyeko;+
Ukookesha bantu munshi ya maulu ami;+
49 Aye umpokolola ku balwanyi bami.