Masalamo
Masikila.* Salamo wa Etana+ mwina Ezela.
89 Nkembanga pa butemwe bwa Yehoba bubula kwaluka myaka ne myaka.
Na kanwa kami nkayukisha bukishinka bwenu ku bisemi byonse.
2 Mambo naamba namba: “Butemwe bubula kwaluka bukekala* myaka ne myaka,+
Kabiji mwaikajika bukishinka bwenu mwiulu.”
4 ‘Nkekajika baana* bobe+ myaka ne myaka,
Kabiji nkakosesha jitanda jobe ku bisemi byonse.’”+ (Selah)
5 Anweba Yehoba, jiulu jitota mingilo yenu ya kukumya,
Ne bukishinka bwenu mu kipwilo kya bazhijikwa.
6 Mambo ñanyi mwiulu wakonsha kwiesakanya ne Yehoba?+
Ñanyi mu baana ba Lesa+ uji nobe Yehoba?
7 Lesa bamwakamwa mu jibumba ja bazhijikwa;+
Aye ye mukatampe kabiji ye ye bakamwa ku bonse bamuzhokoloka.+
8 Anweba Yehoba Lesa wa mabumba,
Ñanyi uji na bulume nobe anweba Yehoba?+
Bukishinka bwenu bwimuzhokoloka.+
10 Mwasansakanya Lahaba+ nobe muntu ye baipaya.+
Na kuboko kwenu kwa bulume mwapalañanya balwanyi benu.+
12 Mwalengele kabeta ka ku buyeke ne kabeta ka ku bulenge;
14 Bololoke ne bunchibamambo bwaoloka kyo kitendekesho kya jitanda jenu;+
Butemwe bubula kwaluka ne bukishinka biji kwianweba.+
15 Bo bene ba lusekelo bayuka kwimba.+
Benda mu kyeya kya mu kilungi kyenu, anweba Yehoba.
16 Kimye kyonse basangalela mu jizhina jenu,
Kabiji batumbalala na mambo a bololoke bwenu.
18 Mambo jikebo jetu jifuma kwi Yehoba,
Mfumu wetu ufuma ku Wazhila wa Isalela.+
19 Pa kyokya kimye mwaambile mu kimwesho ku ba kishinka benu amba:
21 Kuboko kwami kukamukwasha,+
Kabiji mukoko wami ukamukosesha.
22 Kafwako mulwanyi nangwa umo ukamukambizha amba apane musonko ne,
Kabiji kafwako muntu wabula koloka ukamumanyika ne.+
24 Bukishinka bwami ne butemwe bwami bubula kwaluka buji pe aye,+
Kabiji bulume* bwanji bukatumbalela mu jizhina jami.
26 Ukañambila’mba: ‘Anweba mwi Batata,
Lesa wami kabiji Jibwe jami ja lupulukilo.’+
28 Nkamumweshanga butemwe bwami bubula kwaluka myaka ne myaka,+
Ne lulayañano lwami ne aye kechi lukapwa ne.+
29 Nkekajika baana* banji myaka ne myaka
Ne kulengela jitanda janji kwikala kikupu byonka byaikala jiulu.+
30 Umvwe baana banji bakakane mizhilo yami
Ne kubula kwenda mwayila malamuna* ami,
31 Umvwe bakazhilulule malamuna ami
Ne kubula kulama mikambizho yami,
32 Nkebakambula na ndondo na mambo a kubula lukookelo*+
Kabiji nkebazhipaula na mambo a bubi bwabo.
33 Pano bino, aye kechi nkaleka kumumwesha butemwe bwami bubula kwaluka+
Nangwa kubula kufikizha mulaye* wami ne.
35 Nachipila jimo mu buzhile bwami;
Davida kechi nkamubepa ne.+
36 Baana* banji bakekala myaka ne myaka;+
Ne jitanda janji jikekala kikupu kwi amiwa byonka byaikala juba.+
37 Byonka byaikala ñondo, jikekala myaka ne myaka
Byo aji kamonyi wa kishinka mwiulu.” (Selah)
38 Bino anweba mwamutaya ne kumukana;+
Mwazhingijila mushingwa wenu.
39 Mwalengulula lulayañano lo mwalayañene na kalume wenu;
Mwapelula munchinya* wanji pa kumutaya panshi.
40 Mwakundula masakwa anji onse a mabwe;*
Mwaonauna masakwa anji akosa.
41 Bonse bapita mu jishinda bapukula bintu byanji;
Bamwendeleka ku bo ekala nabo kipikipi.+
43 Mwalengela ne mpoko yanji kubula kwingila,
Kabiji mwamulengela kukankalwa kushinda nkondo.
44 Mwapwisha munema wanji
Ne kuponesha jitanda janji panshi.
45 Mwamulengela kukota bukiji;
Mwamuvwika bumvu. (Selah)
46 Anweba Yehoba, bimye binga byo mukafyama? Nanchi myaka ne myaka nyi?+
Nanchi bukaji bwenu bukateemangatu nobe mujilo nyi?
47 Vulukai byaipipa bumi bwami!+
Nanchi mwalengele bantu bonse kyatutu nyi?
48 Ñanyi muntu wakonsha kwikala na bumi kwa kubula kufwa?+
Nanchi wakonsha kwipulusha mwine* ku bulume bwa Kilende* nyi? (Selah)
49 Anweba Yehoba, mingilo yenu ya kala ya butemwe bubula kwaluka,
Yo mwachipile kwi Davida mu bukishinka bwenu, iji pi?+
50 Anweba Yehoba, vulukai myendeleko yo baendelekelenga bakalume benu;
Byo nachinchikile* ku myendeleko ya mitundu yonse ya bantu;
51 Balwanyi benu byo bemwambila mwenga, anweba Yehoba;
Ne byo balengulula bintu byonse byuba mushingwa wenu.
52 Yehoba atotwe myaka ne myaka. Amena, Amena.+