Masalamo
135 Totai Yehoba!*
Totai jizhina ja Yehoba;
Mutotai anweba bakalume ba Yehoba,+
2 Anweba yenka mubena kwingijila mu nzubo ya Yehoba,
Mu bipango bya nzubo ya Lesa wetu.+
3 Totai Yehoba, mambo Yehoba wawama.+
Imbai nyimbo ya kutota jizhina janji, mambo kyo kyawama.
5 Mambo amiwa nayukishatu bulongo namba Yehoba ye mukatampe;
Nkambo yetu wakila balesa bonse.+
6 Yehoba uba bintu byonse byo akeba kuba+
Mwiulu, pano pa ntanda, mu tulunga twa mema ne monse mwazhika.
7 Ulengela makumbi* kukumbana konse kwapela ntanda;
Ulengela mvula kubesha;
Ulupula mwela mu matala anji.+
8 Waipayile babeji ba mu Ijipita,
Ba bantu ne ba banyama.+
10 Waonawine bisaka bya bantu byavula+
Ne kwipaya bamfumu bakosa+
11 —Sihona mfumu wa bena Amoli,+
Oga mfumu wa Bashana,+
Ne kushinda bufumu bonse bwa mu Kenana.
12 Wapaine kyalo kyabo kwikala buswanyi,
Buswanyi bwa bantu banji bena Isalela.+
13 Anweba Yehoba, jizhina jenu jo ja myaka ne myaka.
Anweba Yehoba, nkuwa* yenu ikafika ne ku bisemi byonse.+
15 Bankishi ba bisaka bya bantu bo ba siliva ne ngolode,
Yo mingilo ya maboko a bantu.+
16 Baji na tunwa, bino kechi bamba ne;+
Baji na meso, bino kechi bamona ne;
17 Baji na matwi, bino kechi bomvwa ne.
Mu tunwa twabo kechi muji muya ne.+
19 Anweba ba mu nzubo ya kwa Isalela, mutotai Yehoba.
Anweba ba mu nzubo ya kwa Alona, mutotai Yehoba.
20 Anweba ba mu nzubo ya kwa Levi, mutotai Yehoba.+
Anweba mwakamwa Yehoba, mutotai Yehoba.
Totai Yehoba!+