Yoba
6 Ponkapo Yoba waambile’mba:
2 “Nanchi binyenge byami+ inge bebipima
Ne kwibibika pa shikelu pamo na bya malwa byami!
3 Mambo byanema kukila busenga bwa ku tulunga twa mema.
O ene mambo o mbena kwabaukila.*+
4 Mambo miketo ya wa Bulume Bonse yangasa,
Kabiji mupashi wami ubena kutoma bulembe bwayo;+
Bintu bilenga moyo byafuma kwi Lesa byamfikila.
5 Nanchi mbongolo wa mungye+ ujila inge uji na nsono nyi,
Nangwa ñombe wakonsha kujila inge uji na munyemvu nyi?
6 Nanchi kajo kasamuka bakonsha kwikaja kwa kubula kulungamo mukele,
Nangwa munzungwe ufuma ku kichi wakonsha kutobala nyi?
7 Amiwa* nakana kukwata ku bintu bya uno mutundu.
Biji nobe bulembe mu kajo kami.
8 Nanchi inge natambula kintu kyo nalombele,
Nanchi inge Lesa wampa kintu kyo mbena kukeba!
9 Nanchi Lesa inge waswa kuñonauna,
Nanchi inge watanyika kuboko kwanji ne kungipaya!+
10 Mambo kino inge kyantekenesha;
Inge nasekela nangwa kya kuba nji mu misongo ikatampe,
Mambo kechi nakana byambo bya aye Wazhila ne.+
11 Nanchi nji na bulume bwa kutwajijila na kupembelela nyi?+
Kabiji ñanyi kintu kyo mbena kupembelela, kya kuba’mba ntwajijile kwikala na bumi?*
12 Nanchi nakosa nobe jibwe nyi?
Nangwa mubiji wami walengwa na mukuba nyi?
13 Abya kujipo mo nakonsha kwikwashisha
Bukwasho bwami bonse byo bwafumapo pe amiwa nyi?
15 Balongo bami bo bamangalungalu+ nobe kakola,
Kabiji baji nobe mema a mu tukola tuuma kisalo.
16 Betuvweta ku mema achimba,
Kabiji mo mwafyama mema achimba asunguluka.
17 Mu kimye kyafwainwa tuuma kabiji tuzhimañana;
Umvwe kwatwa kyuya, tuuma.
18 Mashinda ato bealulula;
Tutwala mema mu kiselebwa ne kuzhimañana.
20 Bomvwa bumvu mambo baketekela’mba basakutaanamo mema;
Kabiji byo bafikako bakankamanatu.
22 Nanchi nemulomba namba, ‘Mpepoi bintu,’
Nangwa kwimulomba’mba mumpe bya bupe kufuma mu bya bunonshi byenu nyi?
23 Nanchi nemulomba namba mumpulushe mu kuboko kwa mulwanyi
Nangwa kumpulusha* ku babena kummanyika nyi?
24 Mfunjishai, ne amiwa nsakuzhindamatu nzoo;+
Nkwashai ngyuke mambo o nalenga.
25 Byambo bya kubula kupita mu mbaji kechi bikozha ku muchima ne!+
Bino ñanyi buwame buji mu byo mubena kunnena?+
26 Nanchi mubena kukeba kunnena pa byo mbena kwamba,
Byambo bibena kwamba muntu wapelelwa,+ byululuka na mwela nyi?
28 Pano alulukai ne kuntala,
Mambo kechi nsakwimubepa ne.
29 Langulukaipo jibiji, kange munzhachishe ne,
Langulukishaipotu, mambo ne luno nkijitu waoloka.
30 Nanchi mbena kwamba byabula koloka nyi?
Nanchi mubena kulanguluka’mba kechi nayuka’mba bintu byatama nenyi?