Byambo bya Maana
24 Kange ukumbwe bantu batama ne,
Kabiji kange ukebe kwikala nabo ne,+
2 Mambo michima yabo ilanguluka langulukatu bya bukapondo,
Kabiji bambatu pa kuletela bakwabo makatazho.
5 Muntu wa maana uji na ngovu,+
Kabiji na mambo a kuyuka bintu ngovu yanji ivujilako.
7 Muntu wakosama kechi wakonsha kwikala na maana a kine ne;+
Kafwako kyo amba ku kibelo kya muzhi ne.
8 Yense upingila kuba byatama
Bakamutela’mba mwine uleta milanguluko yatama.+
11 Pokolola boba bo babena kutwala ku lufu,
Ne kukwata boba babena kubalangila pa kuya na kwibepaya.+
12 Inge mwaamba’mba, “Kine kechi twayukile kino ne,”
Nanchi awa utalatala mu michima* kechi ukekiyuka nenyi?+
Kine, awa ukumona ukayuka
Kabiji ukafweta muntu yense monka mwayila mingilo yanji.+
13 Mwanami, janga buki mambo bwawama;
Buki busuuma ku jipuma bwatobala pa kwibuja.
14 Byonkabyo, yuka’mba maana nao awama kwi obewa.*+
Inge waikala nao, ukekala bulongo kulutwe
Ne luketekelo lobe kechi lukapwa ne.+
15 Kange ubelamine ku nzubo ya muntu waoloka na mambo a bubi bobe ne;
Kange onaune mpunzha yanji ya kukokolokelamo ne.
16 Mambo muntu waoloka wakonsha kupona jitanu na jibiji ne kubuukapo,+
Bino babi baketuntula ku bya malwa.+
17 Inge mulwanyi wobe wapona, kange usangalale ne,
Kabiji inge wituntula, muchima wobe kange asekele ne;+
18 Mambo inge wauba kino, Yehoba ukamona kabiji kechi kikamutokela ku muchima ne,
Ne aye ukaleka kuzhingijila mulwanyi wobe.+
19 Kange uzhingijile* bantu batama ne;
Kange ukumbwe bantu babi ne,
20 Mambo kulutwe babi kechi bakekalako ne;+
Lampi wa babi bakamuzhimya.+
21 Mwanami, akamwa Yehoba ne mfumu.+
Ñanyi wayuka lonaiko lo bakebaletela ku bano babiji?*+
23 Abino nabyo byo byambo bya ba maana:
Misalululo kechi yawama pa kuchiba mambo ne.+
24 Yense wambila mubi amba, “Obewa waoloka,”+
Bakamufinga ku bantu ne kumukana ku bisaka bya bantu.
26 Bantu bakafyompa mivumbo ya muntu ukumbula mu bukishinka.*+
27 Nengezha mwingilo wobe wa pangye, ne kunengezhezha jimo bintu byonse mu bujimi bobe;
Apa bino ushimike nzubo* yobe.
28 Kange ushinawine mukwenu pabula bishinka ne.+
Kange wingijishe kanwa kobe kujimbaikilako bakwenu ne.+
31 Nebumwene kuba’mba bwavimba na nseku;
Kabiji mushiji bamuvwetele ku miba,
Ne lubumbulu wa mabwe wa ku bujimi saka akunduka.+
32 Natajiletajile kino ne kulangulukapo bingi;
Nekimwene ne kufunjilako kino amba:
33 Inge wauba’mba ndaaleko pacheche, nsendalaleko pacheche,
Mvungeko maboko pacheche ne kukokolokako,
34 Buyanji bukeya nobe ngivi,
Kabiji kukajilwa kobe kukeya nobe mbanzhi.+