Ku Bena Ngalatiya
6 Balongo bami, umvwe muntu kaye mu jishinda jingi kwa kubula aye mwine kuyuka, anweba mwakoma ku mupashi mwafwainwa kumwalulula muntu wa byonka bino na muchima wakooka.+ Bino saka mujimuka+ kuchina’mba ne anweba mwakesekwa.+ 2 Isendelaingako anwe bene na bene bintu bimunemena,+ mambo mu kuba kino mukafikizha muzhilo wa Kilishitu.+ 3 Umvwe muntu kealanguluke’mba wakila bakwabo bino saka aji watu,+ ubena kwijimbaika mwine. 4 Muntu yense apime byubilo byanji,+ ne kwitotela mu bintu byanji mwine, kechi kwiesakanya ku muntu mukwabo ne.+ 5 Mambo muntu yense ukesendela mwine kisendwa* kyanji.+
6 Kabiji yense ye bafunjisha* mambo a Lesa, apepo bintu byonse byawama awa umufunjisha luno lufunjisho.*+
7 Kange mujimbaikwe ne: Lesa kechi ukosamikwa ne. Mambo kyonka muntu kyo abyala, kyo kyo akanowa;+ 8 Mambo yense ubyala ku mubiji ukanowa bubole konka ku mubiji, pakuba awa ubyala ku mupashi ukanowa bumi bwa myaka ne myaka konka ku mupashi.+ 9 Onkao mambo, kange tuleke kuba kyawama ne, mambo mu kimye kyafwainwa tukanowa umvwe twabula kukooka.*+ 10 Byonkabyo, umvwe twashukilwapo kimye,* twibobilenga bonse byawama, kikatakata bakwetu ba mu lwitabilo.
11 Akimonai ino nkalata yo nanemba na kuboko kwami iji na bisopelo bikatampe.
12 Aba bonse bakeba kwimwesha na bintu bya ku mubiji* bo babena kwimukanjikizha’mba muye ku mukanda, boba kino kuchina’mba bakebamanyika na mambo a kichi* kya lumanamo kya Kilishitu. 13 Mambo nangwatu boba baya ku mukanda kechi balama Mizhilo ne,+ bino babena kukeba’mba ne anweba muye ku mukanda kuba’mba baketotelenga mu mibiji yenu. 14 Bino amiwa kechi nkeba kwitota ne, kana kwitotela mu kichi* kya lumanamo kya Nkambo yetu Yesu Kilishitu,+ mwi aye ba pano pa ntanda bebepaya* na mambo a amiwa, ne amiwa na mambo a ba pano pa ntanda. 15 Kuya ku mukanda nangwa kubula kuya ku mukanda byo byatu,+ kyanemako ke kulengwa kupya.+ 16 Aba bonse balondela uno muzhilo wa byubilo byawama, mutende ne lusa bikale pe abo, kine pa bena Isalela ba Lesa.+
17 Kufumatu luno, muntu nangwa umo kange ankatazhenga ne, mambo amiwa nasenda pa mubiji wami mikovu ingyukisha’mba nekalume wa Yesu.+
18 Balongo bami, lusa lukatampe lwa Nkambo yetu Yesu Kilishitu lwikale na muchima ye mumwesha. Amena.