Masalamo
Kwi ntangi; wimba’mba, “Kange Muñonaune Ne.” Salamo wa Davida. Mikitama.*Kimye Saulo kyo atumine bantu kuya na kubelamina Davida ku nzubo yanji kuba’mba bamwipaye.+
2 Mpokololai ku bantu boba bintu byatama,
Ne kumpulusha ku bantu boba bya bukapondo.*
Banabalume bakosa bandukuka
Anweba Yehoba, kechi kiji bino na mambo a kuba’mba nasatuka nangwa nalenga mambo ne.+
4 Nangwa kya kuba kechi nalenga mambo ne, beya lubilo saka benengezha kuba’mba bandukuke.
Imanai byo nemwita ne kunta muchima.
5 Mambo anweba Yehoba Lesa wa mabumba, mwi Lesa wa Isalela.+
Imanai mutaletale bisaka bya bantu byonse.
Kange mubile lusa bantu ba bujimbijimbi ne.+ (Selah)
7 Umvwai, bintu bilupuka* mu tunwa twabo;
Byatunwa byabo biji nobe mapoko,+
Mambo bamba’mba: “Ñanyi ubena kumvwa?”+
10 Lesa ummwesha butemwe bubula kwaluka ukankwasha;+
Lesa ukandengela kusekela pa kutala balwanyi bami.+
11 Kange mwibepaye ne, pa kuba’mba bantu bami bakabule kulubamo.
Balengelai kupitañana na bulume bwenu;
Baponeshai, anweba Yehoba, jikebo jetu.+
12 Mambo balenga mambo mu byo bamba,
Bafwe mu bwitote bwabo,+
Na mambo a mafingo o bamba ne bujimbijimbi bwabo.
13 Bavizhai na bukaji bwenu;+
Bavizhai kuba’mba bazhimañane;
Balengelai kuyuka’mba Lesa ye ubena kulama mwi Yakoba kufika ne konse kwapela ntanda.+ (Selah)
15 Bapitañane na kukeba kajo;+
Kange mwibaleke bekute nangwa kutaana mpunzha pa kulaala ne.
16 Bino amiwa nkembanga pa bulume bwenu;+
Lukelo nkambanga na lusekelo pa butemwe bwenu bubula kwaluka.