Lufuunjisho 12
Kuneemeka Buumi ne Mashi
Buumi twafwainwa kwibumona byepi? (1) kufumya jiimi? (1)
Benakilishitu bamwesha byepi kuba’mba bachiina mapuso? (2)
Nanchi kyatama kwipaya banyama nyi? (3)
Ñanyi byubilo bimo bibula kumwesha mushingi ku buumi? (4)
Ñanyi muzhilo wa Lesa ku mashi? (5)
Nanchi kino kyavwangamo ne kubikwa mashi nyi? (6)
1. Yehoba yo Nsulo ya buumi. Byonse bipema byafumishe buumi kwi Lesa. (Masalamo 36:9) Buumi bwazhila kwi Lesa. Nangwatu buumi bwa mwaana ukyangye kusemwa ukiji munda ya inanji bwaneema kwi Yehoba. Kwipailamotu mwaana o ubena kukoma kyatama kwi Lesa.—Kulupuka 21:22, 23; Masalamo 127:3.
2. Benakilishitu bakiine bachiina mapuso. Bamona kuba’mba myotoka yabo ne mazubo abo kechi byakonsha kuleta mapuso ne. (Mpitulukilo ya mu Mizhilo 22:8) Bakalume ba Lesa kechi bakaisha buumi mujishinda ja kwibutayaikatu na mambotu a kusangalala nangwa kisangajimbwe ne. Kyokyo babujila kukaila bisela byamalwañano bikozhelamotu bantu bakwabo. Bachiina bisela bya kisangajimbwe bitundaika malwañano.—Masalamo 11:5; Yoano 13:35.
3. Buumi bwa nyama nabo bwazhila kwi Shakapanga. Mwinakilishitu wakonsha kwipaya nyama ya manyi ne kumwenamo bivwalo nangwa kwilamwina mwine ku mapuso ne kubikola. (Ntendekelo 3:21; 9:3; Kulupuka 21:28) Bino kyatama kwikala na kisela kya kupumpula banyama nangwa kwibepailamotu kyanshiji.—Byambo bya Mana 12:10.
4. Benakilishitu kechi bafwainwa kupeepa fwanka ne kunyeuna betel nut nangwa kutoma michi ipendañana kuba’mba basangalale ne. Bino byubilo byatama mambo (1) bitubika mubuzha, (2) byonauna mibiji yetu, ne (3) bya ndochi. (Loma 6:19; 12:1; 2 Kolinda 7:1) Kyakonsha kukatazha kuleka bino bisela. Pano bino twafwainwa kwikileka kuba’mba tukookeshe Yehoba pa muchima.
5. Mashi nao azhila mu meso a Lesa. Lesa waamba’mba buumi buji mumashi. Kyatama kuja mashi. Kabiji kyatama kuja nyama yo babula kukyingya bulongo. Umvwe nyama ifwiila nangwa yafwiila mu mfimbo kechi yafwainwa kujiiwa ne. Inge yaaswa nangwa kulozewa, yafwainwa kwiikyingya bukijibukiji umvwe yakuja.—Ntendekelo 9:3, 4; Bena Levi 17:13, 14; Byubilo 15:28, 29.
6. Nanchi kyatama kuswisha kubikwa mashi nyi? Vulukai kuba’mba, Yehoba ukeba atweba kuzhila mashi. Kino kyalumbulula mba kechi twafwainwa kubikwa mashi a bantu bangi mu mibiji yetu nangwa etutu atwebene asungwa pambanji nangwa pachechetu ne. (Byubilo 21:25) Nanchi Benakilishitu bakiine kechi baswa kubikwa mashi ne. Baswako michi ingi, mwabula mashi. Bakeba buumi, pano bino kechi beseka kuzhilulula muzhilo wa Lesa kuba’mba bepulushe ne.—Mateo 16:25.
[Bipikichala pa peja 25]
Inge tukeba kutookesha Lesa pa muchima, twafwainwa kuchiina kubikwa mashi mu mubiji, byubilo byandochi ne kwilengela mapuso