LUFUNJISHO 9

Paladisa Ukekalako Ñanyi Kimye?

Makatazho aji pano pa ntanda abena kumwesha’mba Bufumu bwa Lesa katatakatu bukafike. Luka 21:10, 11; 2 Timoti 3:1-5

Makatazho avula mu ano moba—kushikapo, makondo, bikola, bipowe, bana kubula kumvwina bansemi, ne makatazho a mu bisemi

Baibolo waambijile jimo bintu byavula bibena kubiwa lelo jino. Waambile’mba bantu bakekala betemwatu abo bene, babula kukookela bansemi, bashinta kabiji batemwa bya kisangajimbwe.

Kukekala bitentanshi bikatampe, nkondo, bipowe bya nzala ne myalo. Bino bintu bibena kumweka lelo jino.

Kamonayi wa kwa Yehoba umo ubena kusapwila mwanamulume umo mambo awama a Bufumu

Kabiji Yesu waambile’mba mambo awama a Bufumu bakeasapwila pano pa ntanda ponse.—Mateo 24:14.

Bufumu bukafumyapo bubi bonse. 2 Petelo 3:13

Bantu baji na byubilo byatama bakebonauna pa Amagedonyi, kepo Satana ne bandemona baji bakebazhachisha

Yehoba katatakatu akonaune babi bonse.

Satana ne bandemona bakebakambula.

Yesu uji pa bufumu mwiulu kabiji bantu bapusana pusana baji bingi na lusekelo

Aba bomvwina Lesa bakapuluka ne kutwela mu ntanda ipya ya bololoke, bantu mo bakekalanga kwa kubula moyo kabiji bakaketekelanga bakwabo ne kwitemwa bene na bene.