Kamwale Wamwesheshe Muchima wa Bumpanyi

KATATAKATU papo, kamwale wa myaka ya kusemwa itanu na ina wa mu kyalo kya Brazil, wafukwilepo mwine kwabanya pabiji mali o ajinga nao, madola 18 ne madola 25. Wabikile mali acheche mu kabokoshi ka mibingu pa Nzubo ya Bufumu pa kuba’mba beengijishe kukwashako mu kupota bikebewa pa kipwilo. Kabiji watumine avujileko ku ofweshi wa musampi wa Bakamonyi ba kwa Yehoba, pamo na nkalata yo anembelepo byambo bichechetu. Mu nkalata yanji wanembelemo amba: “Napana buno bupe ku mwingilo wa ntanda yonse. Mbena kusaka kukwasha balongo ne banyenga bavula mwaya ntanda kusapwila mambo awama. Napana ano mali na muchima wami yense ne na kutemwa Yehoba.”

Uno kamwale bamufunjishe ku bansemi banji kuyuka buneme bwa kwingilako mwingilo wa kusapwila Bufumu. Kabiji bamufunjishe ne kuyuka bya ‘kunemeka Yehoba na bintu byanji.’ (Mana. 3: 9) Byonka byaubile uno kamwale, twayai ne atweba bonse twibikengako kutundaika Bufumu, mu kyalo kyetu ne mwaya ntanda!